අධි වේගයෙන් මෝටර් රථය පදවා පොලිසියට හසුවූ නගරාධිපතිවරයෙකු තමන් එසේ මෝටර් රථය පැදවූයේ එය දැන් සේදු බැවින් එහි රැදී ඇති ජලය වේලා ගැනීමට යැයි පවසා ඇති පුවතක් ප‍්‍රංශයෙන් වාර්තා වේ.

ප‍්‍රංශයේ උතුරු ප‍්‍රදේශයේ කෝර්සෙල්ස් ඒපායලේස් ප‍්‍රදේශයේ නගරාධිපති වන ජීන් ලූවි හෙනොන් මෙසේ පොලිසිය හමුවේ නිදහසට කරුණු දක්වා තිබේ.

පොලිසිය පවසන්නේ ඔහු පැයට සැතපුම් 55 ක වේගයකින් මෝටර් රථය ධාවනය කළ යුතුවූ ප‍්‍රදේශයක පැයට සැතපුම් 100 ක වේගයෙන් පැමිණි බවයි.

පසුව මාධ්‍යයට ප‍්‍රකාශයක් නිකුත් කර ඇති නගරාධිපති තමන් නීතියට උඩින් සිටින්නෙක් නොවන බවත් පොලිසිය තමන්ට දඩ ගෙවීමට නියම කළ බවත් පවසා තිබේ.වරද තේරුම් ගත් බැවින් මින් මත්තට එවැනි වීමට ඉඩ නොතබන බවටද ඔහු පොරොන්දු වී ඇත.

දින කිහිපයකින් නගරසභා මැතිවරණය පැවැත්වීමට නියමිතය.දඩ කෑ ජීන් කෙසේ තරග වදීදැයි සියලූදෙනා විමසිල්ලෙන් සිටීති.