විශ්වයේ භාෂාවන් පිළිබඳ ප‍්‍රංශය සිදුකළ පරීක්ෂණ වාර්තාවකට අනුව වර්තමාන ලෝකයේ ඇති භාෂාවන් පිළිබඳ අගනා දත්තයන් පේලි ගත කොට එළිදක්වා ඇත. ඒ අනුව දැනට භාෂාවන්  6000ක් පමණ ලෝකයේ භාවිතාවේ.

ඒ අතරින් භාෂාවන් 10ක් 20ක් අතර ප‍්‍රමාණයක් භාවිතා වන්නේ ඉතාමත්ම අල්ප වශයෙන් වන අතර වසරකට වරක් එම භාෂාවන් ද භාවිතයෙන් අතුරුදහන් වේ. නිව්ගිනියාවේ වැසියන් අතර භාෂාවන් 800 පමණ ඇති නමුදු භාවිතා වන්නේ ඉතාම අල්පයකි. ඇමසෝන් වනාන්තරය ආශ‍්‍රිත ජීවත් වන ජනයාගේ භාෂාවන්ද එසේමය. කතාව විනා ලිවීමක් එම භාෂාවන්ට ඇත්තේම නැත. එවැනි භාෂාවකට දීර්ඝ කාලයක් පැවැතීමේ හැකියාවක් නොමැත.

ඉහත වාර්තා වලට අනුව මළ භාෂාවන් ලෙස හඳුනාගත් භාෂාවන් ලෝකයේ බොහෝමයක් ඇත. උදාහරණ ලෙස  දූපත් 17508 කින් සැදුණු ඉන්දුනීසියාවේ භාෂාවන් 722කි. නයිජීරියාවේ 500කි. ඉන්දියාවේ භාෂාවන් 400ක් පමණ ඇතත්භාවිතා වන්නේ 22ක් පමණය. මෙක්සිකෝ වල 297 කි. චීනයේ 295 කි. කොන්ගෝවේ 214 කි. කැමරූන් වල 279ක් (බාමූන්, ටිකාර්, බැන්කොන්, බනෙන්, එටොන්, එවොන්ඩෝ, ඩුආලා, බසා, යබාසි, ඞීබොම් ආදි ලෙස) ඇත්තේය.

එවැනි භාෂාවන්ගේ අතුරුදහන් වීමේ වේගය ඉහළය. මේ දක්වා හඳුනා නොගත් භාෂාවන් ඇමසන් වනාන්තර ආශ‍්‍රිතව සොයා ගැනීමටද හැකිවී තිබේ.

කෙසේ නමුදු ලෝක ජනගහනයෙන් 90%ක් වැසියෝ ප‍්‍රධාන භාෂාවන් සියයක් පමණ භාවිතා කරති. කියවීම, ලිවීම, සටහන් තැබීම ආදියෙන් ඉහත භාෂාවන් පෝෂණයවී ඇත්තේය. ලෝකයේ වැඩි දෙනෙක් කථා කරන භාෂාව ලෙස චීනයේ ප‍්‍රධාන භාෂාව වූ මැන්ඩරින් භාෂාව ප‍්‍රථම ස්ථානය හිමිකර ගන්නා අතරම එය 1.3 බිලියන් යැයි ගණනය කර ඇත්තේය. අනුපිළිවෙලින් ඉංග‍්‍රීසි භාෂාව 1.2 බිලියන්, ස්පාඤ්ඤ භාෂාව දශ ලක්ෂ 485, හින්දි භාෂාව දශ ලක්ෂ 450, හා ප‍්‍රංශ භාෂාව දශ ලක්ෂ 274ක් ලෙස ශ්‍රේණි ගත කොට ඇත්තේය.

නිතරම භාවිතා වන ප‍්‍රධාන භාෂා සියයකට අමතරව භාෂාවන් 5900ක් පමණ ඇත්තේ වී නමුදු එහි එක් භාෂාවක් අනුපාතයක් ලෙස භාවිතා වන්නේ 118 දෙනෙක් අතර බව ඉහත වාර්තාවන් වල සදහන්වේ. එම භාෂාවන් ඉතා වේගයෙන් අතුරුදහන්වීමේ ප්‍රවණතාවයක් ඇත.

20151025__langue_parlees 20151025Langues