ඔත්තු බැලීමේ යානා සිංගප්පූරුව වෙත යවන බව ඇමෙරිකාව නිවේදනය කැර ඇතැයි බීබීසී පුවත් සේවය වාර්තා කරයි.

චීනය දකුණු චීන අර්ධද්වීපයේ හිමිකම් පිළිබද කරනු ලබන බලපෑම් වැඩිවීම හේතුවෙන් ඇමෙරිකාව චීනයට ප්‍රතිචාර දැක්වීමක් ලෙස මෙය හැදින්විය හැකි බව දේශපාලන විචාරකයෝ කියති.

ඇමෙරිකා ඔත්තු බැලීමේ යානා සහ ගුවන් හමුදා බලඇණි ජපානය සහ පිලිපීනයේ සිට දැනටමත් මෙහෙයුම් ආරම්භ කර ඇත.

ඇමරිකාව චෝදනා කරන්නේ තම බල ඇණියකට ආසන්නයෙන් පසුගිය අගෝස්තුවේ දී චීන ජෙට් යානයක් අනතුරුදායක ලෙස පියාසර කර ඇති බවයි.

ඇමරිකානු ආරක්ෂක ලේකම් ඈෂ් කාටර් සහ සිංගප්පූරු ආරක්ෂක අමාත්‍ය නග්ඉන්ජ් හෙන් අතර පසුගිය සඳුදා වොෂින්ටනයේ පැවැති හමුවීමේදී ඇති කරගත් ගිවිසුමට අනුව ත්‍රස්තවාදයට විරුද්ධව ක්‍රියාකිරීම සහ කාලගුණික ආපදා සඳහා සහයෝගිතාවය ලබා දීම ද ඇතුලත් වන බව නිවේදනය කර තිබේ.

චිනය පවසන්නේ දැනටමත් දකුණු චීන මුහුද හේතුවෙන් තමන් රටවල් කිපයක් සමගම දේශභූමික අරගල අරඹා ඇති බවයි. එම රටවල් අතරට වියට්නාමය,පිලීපීනය සහ මැලේසියාවද ඇතුලත් බව චිනය කියයි.

චීනය නැගෙනහිර චීන මුහුදේ ඇති දූපතක් සම්බන්ධයෙන් ජපානය සමග ද වෙනම ආරවුලක් ඇති කර ගෙන තිබේ.