ඉතා විශාල ආගන්තුක වස්තු සමූහයක් පෘථිවිය අවට අභ්‍යවකාශයේ දක්නට ලැබුණු බව තාරකා විද්‍යාඥයෝ කියති. එය වෙනත් පිටසක්වල ජීවී ශිෂ්ටාචාරයක් නිර්මාණය වන ලකුණු පෙන්වන බව ඔවුහු පවසති.

පෙන් ස්ටේට් සරසවියේ තාරකා විද්‍යාඥ ජේසන් රයිට් විශ්මයජනක තාරකා සම්බන්ධයෙන් වාර්තාවක් සකස් කිරීමට යයි.

‘එය දැකීමෙන් මා විශ්මයට පත්වුණා. එය මොනතරම් උමතු වන දර්ශනයක් ද?‘ යනුවෙන් රයිට් පවසයි.

කෙප්ලර් දුරේක්ෂය මගින් වෙනත් ජීවීන් සිටින ග්‍රහලෝක නිරීක්ෂණයේදී මෙම වස්තු සමූහය දැක ගැනීමට හැකිවී ඇත.

වෙනත් ග්‍රහලෝකවල ඇති ආලෝක හා වෙනස්වීම් ආදිය පිළිබඳ කෙප්ලර් නිරන්තර සෝදිසියෙන් සිටිනවා. මේ වස්තු සමූහයේ ඇති එළිය හා එය විහිදෙන ආකාරය අනුව ග්‍රහලෝකයකින් විහිදෙන සාමාන්‍ය ආලෝකයක් නොවන බව විනිශ්චය කර ඇත.

‘මෙවැනි තරුවක් අප මීට පෙර දැක නෑ. අපි මුලින් සිතුවේ එය වැරදි දත්තයක් හෝ ගුවන් යානයක් නිසා සිදුවූ වෙනස්වීමක් බවයි. නමුත් ඒ සියල්ල පරීක්ෂා කළ පසු එවැන්නක් නොවන බව අප තීරණය කළා. එය බෙහෙවින්ම අස්වාභාවික වස්තුවක්.‘ යැයි යාලේ සරසවියේ ටාබේතා බොයැජියන් පවසයි.

කේඅයිසී 8462852 තාරකාව ලෙස නම් කර ඇති එය ක්ෂීර පථයේ සිග්නස් හා ලයිරා තාරකා රාශීන් අතර දක්නට ලැබුණු බව ඒ සම්බන්ධ පර්යේෂණ සිදුකරන තාරකා විද්‍යාඥයෝ කියති.

web_20151016Milkyway web-space_20151016