තමන්ගේ විවාහ දිවිය දෙදරායාමට මුල්වීයැයි ඇපල් සමාගමට එරෙහිව නඩු පැවැරීමට ඇමරිකා ජාතික නීතිඥවරයෙක් කටයුතු කර තිබේ.

හිටපු හමුදා භටයකුද වන මෙම නීතිඥයා ඇපල් සමාගම විසින් සපයන අන්තර්ජාල පරිශීලකය (වෙබ් බ‍්‍රවුසර්) නිසාවෙන් තමා අන්තර්ජාලයේ වැඩිහිටියන්ට සුදුසු වෙබ්අඩවි වලට ඇබ්බැහිවූ බවත් ඒවා නිසා තමන්ට සිය බිරියද අමතකව ගිය බවත් පවසයි.

මේ සියල්ලට මුල එම අන්තර්ජාල පරිශීලකයේ වැඩිහිටියන්ට පමණක් සුදුසු වෙබ් අඩවි වෙත යාම වළක්වන ක‍්‍රමයක් නොමැති වීම යැයිද ඒසේ ක‍්‍රමයක් පැවතියේ නම් තමන් මෙසේ කාම වෙබ් අඩවි වලට ඇබ්බැහි වන්නේ නැතැයිද හෙතෙම කියයි.

කෙසේ වුවත් ඇපල් සමාගම නම් තවමත් මේ සම්බන්ධයෙන් කිසිත් ප‍්‍රකාශ කර නොමැත.