පැරිසියේ සිටින ශ්‍රී ලාංකීය සුන්දර තරුණයා තේරීමේ තරඟයක් මැයි 17 දා පැවැත්වීම ප්‍රංශ ලංකා සුබසාධන සංවිධානය කටයුතු කරයි. එහිදී තුෂාර සුරවීර, ප්‍රංශ ජාතික පිලිෆ් පුසාඩ්, බර්ට්‍රන්ඩ් ලෙම්, ජෝර්ජ් රිවානෝ, එයිනෙස් චිකා, ජෝන් මාර්ක් යන අයෝමය පුරුෂයන් විසින් ඉදිරිපත් කරන විශේෂ සංදර්ශනයක් ද පැවැත්වීමට නියමිතය.

ප්‍රංශයේ වෙසෙන ශ්‍රී ලාංකික තරුණයන් වඩාත් දිරිමත් කිරීමේ අපේක්ෂාවෙන් මේ තරඟය පැවැත්වෙන බවත් ඒ සඳහා ශ්‍රී ලාංකිකයන් විශාල පිරිසක් දැනටමත් අයදුම් පත් භාර දී ඇති බවත් සංවිධායකයෝ කියති.

සංවිධායක කමිටුවේ සභාපති සනත් මුතුනමගොන්නගේ මහතා පවසන්නේ මෙතෙක් කාන්තාවන් වෙනුවෙන් වැඩසහන් රැසක් ක්‍රියාත්මක කළ ද තරුණයන් වෙනුවෙන් මෙවැනි තරඟයක් සංවිධානය කළ පළමු අවස්ථාව බවයි.  

තරඟ කරුවන් පුහුණු කරවීම ජයමිණි කලායතනෙය් සුජීවා විජේසිංහ මහත්මිය විසින් සිදුකරයි. එදින උත්සවයේ දී ලහිරු පෙරේරා ද ගායනයට එක්වීමට නියමිතය.

මෙම උත්සවයෙන් ලැබෙන අරමුදල් ශ්‍රී ලංකාවේ පිළිකා රෝහල්වෙත අත්‍යවශ්‍ය උපකරණ ලබාදීමටත් වකුගඩු රෝගීන් වෙනුවෙන් අවශ්‍ය රෝහල් වෙත භාණ්ඩ ලබා දීමටත් යොදවන බව සංවිධායකවරු කියති.

Mr sri lanka