සීතල ජලය සුබ අනාගතයක් ගෙන දෙන බව ජපාන ජාතිකයෝ විශ්වාස කරති. ඒ අනුව සාම්ප‍්‍රදායිකව පැවත එන ‘කන්චු මිසෙගි’ නමින් හැඳින්වෙන් ෂින්ටො ආගමිකයන්ගේ උත්සවය මෙවරත් ජපානයේ ටෝකියෝ නුවර පැවැත්විණි.

මේ සඳහා සහභාගි වන පිරිමි අමුඩය ඇඳගනිති. කාන්තාවෝ ඔවුන්ට විශේෂ කිමෝනාවක් ඇඳ ගනිති. දෙගොල්ලන්ම හිසෙහි පටියක් ගැට ගසා ගත යුතුය.

පළමුව පන්සලට ගොස් ආගමික වතාවත් සිදු කිරීමෙන් පසු සෙල්සියස් අංශක 6 පමණ වන සීතල ජලයේ බැස නා ගත යුතුය. එමගින් ඔවුන්ගේ ශරීරයත්, මනසත්, ආත්මයත් පිරිසිදු වන බවත් ඉදිරි අනාගතය සාර්ථක, සෞභාග්‍යය වන බවත් ඔවුන් විශ්වාස කරති.