සිරියානු රජයට අයත් ප‍්‍රදේශයක නවතා තිබූ රුසියානු යුද නෞකාවකට ඊශ‍්‍රායාලය ගුවන් ප‍්‍රහාර එල්ල කළ බව සිරියානු බලධාරීහු පැවසූහ.එමෙන්ම ඇමෙරිකා එක්සත් පවසා සිටියේ ඊශ‍්‍රායාලය යුද ගුවන් යානා යොදාගනිමින් සිරියාවේ ලටාකියා ප‍්‍රදේශයට ප‍්‍රහාරයක් එල්ල කර ඇති බවයි.

2014 වසරේ අවසන් වීමට පෙර සිරියාවේ රසායනික අවි ඉවත් කිරීමට සිරියා ජනපති බෂාර් අල් අසාද් එකඟතාවය පළ කළේ සිරියාවට ජාත්‍යන්තරයෙන් කිසිදු යුද බලපෑමක් එල්ල නොවන පොරොන්දුව මතය.

ඔබාමා පාලනය කියා සිටියේ ඊශ‍්‍රායාල ගුවන් ප‍්‍රහාරය ලෙබනනයේ හිස්බුල්ලා ගරිල්ලා කණ්ඩාමයට සපයන මිසයිල ඉලක්ක කරගෙන සිදුවූ බවයි.මෙම ප‍්‍රදේශයේ පිහිටි වරාය උපක‍්‍රමික වශයෙන් වැදගත් කමක් දරන අතර මෙම ප‍්‍රදේශ වල හා සිරියානු හමුදාවන්ට අයත් ගුවන් හා හමුදා කඳවුරු වල පිපිරීම් සිදුව ඇතැයිද වාර්තා වේ.  

ඊශ‍්‍රායාල පවසා සිටියේ හිස්බුල්ලා ගරිල්ලන්ට විරුද්ධව යුදමය කි‍්‍රයාමාර්ග ගන්නා බවයි.මේ ආකාරයෙන් ඊශ‍්‍රායාල හමුදා පසුගිය ජනවාරි මාසයේදි හිස්බුල්ලා ගරිල්ලන්ට ගුවන් ප‍්‍රහාර එල්ල කරන ලදි. හිස්බුල්ලා ගරිල්ලන්ට සිරියා රජය සහාය දක්වන බව ද ඊශ‍්‍රායාල වාර්තා වැඩිදුරටත් සඳහන් කරසිටී.
කෙසේවෙතත් මේ සම්බන්ධයෙන් ඊශ‍්‍රායාල හෝ සිරියාව නිල ප‍්‍රකාශයක් කර නොමැති බව විදෙස් මාධ්‍ය වාර්තා කළේය.