IMG-LOGO watawala

2024 මැයි මස 21 වන අඟහරුවාදා


මාලදිවයිනේ ජනපතිවරණය කඩිනමින් පවත්වන්න

මාලදිවයිනේ අවලංගු කරන ලද  ජනපතිවරණය හැකිතාක් ඉක්මනින් පවත්වන්නැයි එක්සත් ජාතීන්ගේ මහලේකම් බැන් කි මූන් අවධාරණය කර සිටියේය.ඒ ජනපතිවරණය අවලංගු කිරීම සම්බන්ධයෙන් ඒකාබද්ධ ජාත්‍යන්තර විරුද්ධත්වයක් ප‍්‍රකාශ කරමිනි.  ජනපතිවරණය යළිත් අවලංගු කිරීමට එරට මැතිවරණ

හිටපු ජනපති මොහොමඞ් නෂීඞ්ට සහාය පළකරන විරෝධතාකරුවන්

කොමිසම පසුගියදා (19) පියවර ගනු ලැබුවේ පොලිසියෙන් එල්ල කෙරුණු බාධා හේතුවෙනි.

මහ ලේකම්වරයා තවදුරටත් පවසා සිටියේ ජනපතිවරණය නැවත පැවත්වීම එරට සියලූ දෙනාගේ වගකීමක් බවත් දේශපාලන නායකයන් රාජ්‍ය ආයතන ඒ සඳහා කටයුතු කළයුතු බවත් එය ප‍්‍රජාතන්ත‍්‍රවාදයට ගරුකිරීමක් වන බවත්ය.එසේම ජනපතිවරණය හැකි ඉක්මනින් නිදහස් හා සාමකාමී ලෙස පැවැත්විය යුතු බවද මහ ලේකම්වරයා තවදුරටත් පවසා සිටියේය.

මාලදිවයිනේ 19වැනිදා පැවත් වීමට නියමිතව තිබු මැතිවරණයෙන් හිටපු ජනපති ජයගනු ඇතැයි අනාවැකි පළ වී තිබුණි.

මහා ලේකම්වරයා තවදුරටත් සඳහන් කර සිටියේ මැතිවරණය හැකිතාක් ඉක්මනින් පවත්වා එරට ව්‍යවස්ථාට හා අධිකරණ තීන්දුවට ගරු කරමින් නොවැම්බර් 11 වන  දින වන විට ජනපතිවරයෙක් පත්කළ හැකි බවයි.

යුරෝපා සංගමය සහ ඉන්දියාව මේ පිළිබඳව දැඩි අවධානයෙන් කටයුතු කරන බවද පැවසේ. පොලිසියෙන් එල්ල කෙරුණු බාධා හේතුවෙන් 19 වැනිදා පැවැත්වීමට නියමිතව තිබූ ජනාධිපතිවරණය අවලංගු කළ බව මාලදිවයින් මැතිවරණ කොමිසම එදින නිවේදනය කළේය.

මාලදිවයින් ජනපතිවරණය අවලංගු කෙරුණු දෙවැනි අවස්ථාව මෙය වෙයි. සැලැසුම් කළ පරිදි, ජනපතිවරණය පැවැත්වීමට නොහැකි වූ බවත්, පොලිසියේ ‘කඩකප්පල් කි‍්‍රයා’ ඊට බාධාවක් වූ බවත් මැතිවරණ කොමිසම නිවේදනය කළේය. 19 වැනිදා උදෑසන ජනපතිවරණය පැවැත්වීමට සූදානම් වෙද්දී, පොලිසිය මාලේ අගනුවර මැතිවරණ කොමසාරිස් කාර්යාලය වැටැලූ බව ද වාර්තා විය.

පොලිසිය කියා සිටියේ, මැතිවරණ කොමිසම ඡන්දදායකයන්ගේ නම් ලැයිස්තු අනුමත නොකිරීම නිසා, ජනපතිවරණය පැවැත්වීමට තමන් ඉඩ ලබා නොදුන් බවය  පොලිසිය කළ එම කි‍්‍රයාව, රටේ ව්‍යවස්ථාදායකයේ අර්බුදයක් නිර්මාණය කිරීමට, හේතුවක් වනු ඇතැයි එරට දේශපාලන විචාරකයෝ බිය පළ කරති. මාලදිවයිනේ මීට පෙර, ඉකුත් සැප්තැම්බර් 7 වැනිදා ජනපතිවරණයක් පැවැත්විණි. එහිදී වැඩි ඡන්ද ප‍්‍රතිශතයක් හිමිකර ගත්තේ, පොලිසියේ සහ හමුදාවේ කුමන්ත‍්‍රණයකින් බලයෙන් පහ කෙරුණු හිටපු ජනපති මොහොමඞ් නෂීඞ් ය.

නෂීඞ්ට හෝ සෙසු ප‍්‍රධාන අපේක්ෂකයන්ට හෝ සියයට 50 කට වැඩියෙන් ඡුන්ද ප‍්‍රතිශතයක් හිමිකර ගැනීමට නොහැකි විය.

ඒ අනුව, ජනපතිවරණයේ දෙවැනි වටය, ඉකුත් 28 වැනිදා පැවැත්වීමට නියමිතව තිබුණි. ඒ, නෂීඞ් සහ නෂීඞ්ගේ ආසන්නතම ප‍්‍රතිවාදියා වූ අබ්දුල්ලා යෙමීන් අතරේ ය.

යෙමීන් ලබා ගත් ඡුන්ද ප‍්‍රතිශතය සියයට 25 ක් විය. යෙමීන්, මාලදිවයිනේ දීර්ඝ කාලයක් ජනපති ධුරයේ සිටි අබ්දුල් ගයුම්ගේ ඥාතියෙක් ද වෙයි. දෙවැනි වටයට අධිකරණයෙන් බාධා එල්ල විය. අධිකරණ නියෝගයකින් එය කල් දැමුණි. ඊට හේතු වූයේ, සැප්තැම්බර් 7 ජනපතිවරණයෙන් තෙවැනි ස්ථානයට පත් අපේක්ෂක, කසීම් ඊබ‍්‍රහීම් කළ චෝදනා නිසාය. ඊබ‍්‍රහීම් චෝදනා කළේ, ජනපතිවරණයේ අක‍්‍රමිකතා රැසක් සිදුවුණු බවටය. කසීම් ඊබ‍්‍රහීම්, හිමිකර ගත් ඡුන්ද ප‍්‍රතිශතය සියයට 24 කි. ඊබ‍්‍රහීම්, මාලදිවයිනේ කෝටිපති ව්‍යාපාරිකයෙකි.

අධිකරණ නියෝගයකින්, ජනපතිවරණය අවලංගු කෙරුණි. ඔක්තෝබර් 19 වැනිදා, යළි අලූතින් ජනපතිවරණයක් පැවැත්වීමට තීරණය කළ අතර, පොලිසියේ මැදිහත් වීමෙන් එය ද අවලංගු කෙරුණි.

මාලදිවයිනේ ප‍්‍රජාතන්ත‍්‍රවාදය තහවුරු කිරීමේ වැදගත් සංධිස්ථානයක් වූ එම ජනපතිවරණයට පොලිසිය බාධා කිරීම කිසිසේත් අනුමත කළ නොහැකි යැයි, ඇමෙරිකාව සහ බි‍්‍රතාන්‍යය පවසා ඇත. මාලදිවයින පොදු රාජ්‍ය මණ්ඩලයට අයත් රාජ්‍යයක් වන අතර, පොදු රාජ්‍ය මණ්ඩලය ද මාලදිවයිනේ වත්මන් ජනපති වහීඞ් හසන් ප‍්‍රමුඛ රජයෙන් ඉල්ලා ඇත්තේ, කඩිනමින් ජනපතිවරණය පැවැත්වීමටත් ප‍්‍රජාතන්ත‍්‍රවාදය තහවුරු කිරීමටත් පියවර ගන්නා ලෙසටය.
වත්මන් ජනපති වහීඞ් හසන් ද සැප්තැම්බර් 7 වැනිදා පැවැති ජනපතිවරණයට ඉදිරිපත් වූයේය.

ඔහුට හිමිකර ගැනීමට හැකිවූයේ සියයට 5 ක ඡන්ද ප‍්‍රතිශතයක් පමණි. පෙරේදා පැවැත්වීමට නියමිත ජනපතිවරණයට තමා ඉදිරිපත් නොවන බව ද වහීඞ් හසන් තීරණය කර තිබුණි.

 



අදහස් (0)

මාලදිවයිනේ ජනපතිවරණය කඩිනමින් පවත්වන්න

ටිකිරි බණ්ඩා Tuesday, 22 October 2013 10:20 AM

ඉදිරියේදි අපේ රටෙත් දිනනකම්ම ජනාධිපතිවරණය අවලංගු කරාවි. (ස)

:       0       0

රංජිත් Tuesday, 22 October 2013 11:11 AM

ඇත්ත නම් දුකක් දැනෙනවා. හොඳ රටක් නැති කල ඉන්දීය අය වග කියන්න ඕනේ ආසියාවේ හැම රටක්ම ගිනි තියනවා. (ස)

:       0       0

සිංහ Wednesday, 23 October 2013 07:54 AM

මිනිස්සු එකතු උනොත් ? (නදී)

:       0       0

රසාදරී මාලදිවයින Wednesday, 23 October 2013 08:15 AM

ජනාධිපතිවරණ සීයක් තිබ්බත් ටිකිරි බණ්ඩා වාගේ අයට ඕනෑ ජනාධිපති නැවත පත්කරගන්න බැහැ. මොකද අතිගරු ජනාධිපතිතුමා යුද්ධයෙන් රට බේරාගෙන මේ පොළව සියලු ජාතීන්ට බියක් සැකක් නැතුව ජීවත් වෙන්න පුළුවන් තැනක් කළ එකට සහ රටේ යටිතල පහසුකම් වැඩි දියුණු කරන්න කරන මෙහෙවර වෙනුවෙන් කළගුණ දත් මිනිසුන් තවත් චිරාත් කාලයක් ඡන්දය පාවිච්චි කරන නිසා. (නි)

:       0       0

ඔබේ අදහස් එවන්න

සයුරෙන් එතෙර

ඉන්දීය මැතිවරණයේ පස්වැනි අදියර ඇරඹේ
2024 මැයි මස 20 645 0

අදියර 7 කින් පැවැත්වෙන ඉන්දීය මහ මැතිවරණයේ පස්වැනි අදියර ඇරැඹිණි. අද (20) ආරම්භ වුණු පස්වැනි අදියරේදී ප්‍රාන්ත 6 ක් සහ ඉන්දීය ජනාධිපතිවරයා යටතේ පාලනය වන ය


ඉරාන ජනපති - විදෙස් ඇමැති මරුට
2024 මැයි මස 20 6772 26

ඉරාන ජනාධිපති ඊබ්‍රහිම් රයිසි, ඉරාන විදේශ අමාත්‍ය හොසේන් අමීර්අබ්දුල්රහීන් සහ තවත් රාජ්‍ය නිලධාරීන් කීප දෙනකු හෙලිකොප්ටර් අනතුරින් මියගිය බව ඉරාන ව


සුන්බුන් හමුවෙයි
2024 මැයි මස 20 4075 0

ඉරාන ජනාධිපති ඊබ්‍රහීම් රයිසි, ඉරාන විදේශ ඇමැති සහ පිරිස ගමන් කරමින් සිටිද්දී කඩා වැටුණු හෙලිකොප්ටර් යානයේ සුන්බුන් හමුවුණු බව, දිවි ගලවා ගැනීමේ මෙහෙ


ඇමෙරිකාව නිහඩයි
2024 මැයි මස 20 5846 4

ඉරාන ජනාධිපති ඊබ්‍රහීම් රයිසි රැගත් හෙලිකොප්ටරය අතුරුදන් වීම සම්බන්ධයෙන් ඇමෙරිකාව නිහඩ ප්‍රතිපත්තියක් අනුගමනය කරන බව පෙනෙයි.


ඉරාන ජනපති සොයන්න රුසියාව එක් වෙයි
2024 මැයි මස 20 4322 0

කඩා වැටෙන්න ඇතැයි සැක කරන ඉරාන ජනාධිපති ඊබ්‍රහීම් රයිසි සහ පිරිස රැගත් හෙලිකොප්ටර් යානය සෙවිමේ මෛහයුම්වලට රුසියාව ද සම්බන්ධ වී සිටී.


කඩා වැටුණු හෙලිකොප්ටරයේ සුන්බුන් හමුවෙලා ?
2024 මැයි මස 20 4574 1

අතුරුදන් වූ ඉරාන ජනාධිපති ඊබ්‍රහීම් රයිසි ගමන් කළ හෙලිකොප්ටරයේ සුන්බුන් සොයා ගැනීමට, සෝදිසි මෙහෙයුම් සිදු කරන නියමුවන් රහිත ඩ්‍රෝන යානයක් සමත් වූ බව


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 839 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2381 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2042 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site