දශක ගණනක් තිස්සේ මියන්මාරයේ හමුදා පාලනය නිමා කිරීමේ අරමුණින් එරට විපක්ෂ නායිකා අවුන් සාන් සූ කී එළැඹෙන අපේ‍්‍රල් 1 වැනිදා පැවැත්වීමට නියමිත අතුරු මැතිවරණයට ඉදිරිපත්වීම සඳහා ඊයේ (18) ලියාපදිංචි වූ බව මාධ්‍ය වාර්තා සඳහන් කරයි. නොබෙල් සාම ත්‍යාගලාභිනියක ද වන සූ කී ගතවී ගිය විසි වසරින් වැඩි කාලයක් ගත කළේ නිවාස අඩස්සියේය. ඇයට නිදහස හිමිවූයේ ඉකුත් වසරේ මියන්මාරයේ පැවැති මහ මැතිවරණයෙන් පසුවය. කෙසේ නමුත් මැතිවරණයෙන් ජය ගත්තේ මියන්මාර හමුදාවට හිතවත් දේශපාලන පක්ෂයයි. ප‍්‍රජාතන්ත‍්‍රවාදය සඳහා වූ ජාතික ලීගයෙන් මැතිවරණයක් සඳහා ලියාපදිංචි වූ පළමුවැන්නා ලෙස සූකී හඳුන්වාදිය හැකි බව පක්ෂයේ ජ්‍යෙෂ්ඨ නිලධාරියෙකු පැවැසීය. මියන්මාර හමුදා පාලනය සහ විපක්ෂය අතර ඇති වූ සංවාදයේ ප‍්‍රතිපලයක් ලෙස වසර 66ක ඉතිහාසයක් ඇති ‘ප‍්‍රජාතන්ත‍්‍රවාදය සඳහා වූ ජාතික ලීගයට’ නැවත නිල වශයෙන් දේශපාලනයට පිවීසීමට අවස්ථාව ලැබී ඇත.අවුන් සාන් සූ කී