අන්‍යාගම් සම්බන්ධයෙන් පවත්වාගෙන ගිය බ්ලොග් හිමිකරුවකු ඝාතනය කිරීම සම්බන්ධ වරදකරු වූ පුද්ගලයන් දෙදෙනකුට බංග්ලාදේශ අධිකරණය මරණ දඩුවම නියම කළ බව විදෙස් මාධ්‍ය වාර්තා කරයි.

ඝාතනයට ලක්වූයේ අහමද් රජිබ් හයිදර් නමැති බ්ලොාග් කරුවෙකි. යුද අපරාධ සිදු කර ඇති බවට චෝදනා ලත් ඉස්ලාමීය නායකයන්ට එරෙහිව අදහස් පළ කළා යැයි පපවසමින් ඔහු කපා කොටා මරා දමා තිබිණි. ඒ අදින් වසර තුනකට පමණ පෙරදීය. මේ සම්බන්ධයෙන් මරණ දඩුවම නියම වූ පුද්ගලයන් දෙදෙනාට අමතරව තවත් හය දෙනකු අධිකරණයෙන් වරදකරැ කැර ඇත.

සිය පුත්‍රයා ඝාතනය කළ බවට වරදකරු වූ අයකු තවමත් පොලිසිය මග හරිමින් පළා යමින් සිටීම ‘අදහාගත නොහැකි’ යැයි ඝාතනයට ලක් වූ අහමද් රජිබ්ගේ පියා බංගලාදේශ අධිකරණ ක්‍රියාදාමය විවේචනය කරමින් මාධ්‍යයට අදහස් දක්වා ඇත.