බ්‍රිතාන්‍ය ජාතිකයන් 83 දෙනකු සහ වෙනත් ජාතිකයින් 27දෙනකු රැගත් ගුවන් යානයක් චීනයේ වුහාන් නගරයෙන් පිටත් වී ඇත.

වුහාන් නගරයේ විදේශ සේවා කාර්යාලයේ අවසරය මත මෙම ගුවන් යානය අද (31) උදයවරුවේ පිටත් වී ඇති අතර ස්පාඤ්ඤය හරහා බ්‍රිතාන්‍යයට පැමිණීමට නියමිතව තිබේ.

බ්‍රිතාන්‍යට පැමිණෙන සියලු දෙනා එරට සෞඛ්‍ය අංශයේ අධීක්ෂණය යටතේ දින 14ක නිරෝධායන කාලයක් ගතකරනු ඇත.

කෙසේ වුවද බ්‍රිතාන්‍ය පවසන්නේ කොරෝනා වෛරසය ආසාදනය වූ බවට සැලකෙන බ්‍රිතාන්‍ය ජාතිකයින් වුහාන් නගරයෙන් ඉවත් කර ගැනීමට අවසර නොමැති බවයි.

මෙම යානය ඊයේ(30) වුහාන් වෙතින් පැමිණීමට නියමිතව තිබුණු අතර බ්‍රිතාන්‍ය ජාතිකයන් 150ක් සහ වෙනත් ජාතිකයන් 50දෙනකු රැගෙන ඒමට සැලසුම් කර තිබිණි.

කෙසේවුවද එයට චීන බලධාරීන්ගේ අවසරය නොලැබීම හේතුවෙන් ගමන අද දිනයට පමා කිරීමට සහ මගීන් සංඛ්‍යාව අඩු කිරීමට සිදුවී ඇත.

මෙසේ කිරිමට හේතු චීනය විසින් සඳහන් කර නොමැත.

(රොයිටර් පුවත් ඇසුරිණි - 085)