ඉන්දියාවේ මධ්‍ය ප්‍රදේශයේ ඉන්ඩෝර් නගරයට ආසන්නව කැලයක පණපිටින් වළදමා ගොස් සිටි දිනක් පමණක් වයසැති බිළිඳියක් සොයා  ගත් නමුත් ඇය රෝහලේදී මිය ගියාය.

 ඇය රෙද්දක ඔතා ඇගෙන් භාගයක් පමණ වැසෙන සේ වළදමා තිබී ඇත.

වැවිලිකරුවකු වන මංගිලාල්ට (32) සතකු කෑ ගසන ශබ්දයක් ඇසී සොයා බැලීමේදී වළදාමා ගොස් සිටි බිළිඳිය හමු වී තිබේ. බිළිඳිය වන සතුන්ගෙන් බෙරී සිටීම පුදුමයක් බව ඔහු පවසයි.

නාසයෙන් හා මුඛයෙන් ලේ ගලමින් තිබී ඇත. බිළිදිය වහා රෝහල කරා ගෙන ගොස් ඇති නමුත් අධික ලේ ගැලීම හේතුවෙන් ඇය රෝහලේදී මිය ගියාය.

රෝහල් වාර්තා පරීක්‍ෂා කරමින් බිළිඳියගේ දෙමව්පියන් සොයා ගැනීමට එරට පොලිසිය පරීක්‍ෂණ පවත්වයි. ඉන්දියාවේ ගැබ් නැසීම් වලට ප‍්‍රබල හේතුවක් වන්නේ ඔවුන් ගැහැණු දරුවන්ට වඩා පිරිමි දරුවන්ට බොහෝ සෙයින් ඇළුම් කිරීම බව ඔවුන් සඳහන් කරයි. මේ සිදුවීම සඳහාද එවැනිම හේතුවක් බලපෑ හැකි බවට ඔවුන් සැක පළ කරයි.

සෞඛ්‍ය ලිපි ලේඛන වලට අනුව වසරකට ඉන්දියාවේ ගැහැණු දරුවන් ලක්‍ෂ 5ක් පමණ ගබ්සාවට ලක් වෙතියි කියති.