IMG-LOGO

2024 පෙබරවාරි මස 26 වන සඳුදා


නියාමනයට විවෘත යැයි ෆේස්බුක් සමාගම කියයි

බ්‍රිතාන්‍ය පාර්ලිමේන්තුවේ ඩිජිටල්, සංස්කෘතික, මාධ්‍ය හා ක්‍රීඩා කමිටුව ‘අසත්‍ය තොරතුරු සහ ව්‍යාජ පුවත්’ පිළිබඳ අවසන් වාර්තාවේ නිර්දේශ අනුව අර්ථාන්විතව නියාමන කිරීමට තමන් විවෘත යැයි ෆේස්බුක් සමාගමේ එක්සත් රාජධානියේ මහජන ප්‍රතිපත්ති කළමනාකාර කරීම් පැලැන්ට් පැවැසීය. 

 
“අර්ථාන්විතව නියාමන කිරීමට අපි විවෘතයි. ඒ වගේම කමිටුවේ නිර්දේශවලට අනුව මැතිවරණ නීති ප්‍රතිසංස්කරණවලට ද අපි සහයෝගය දෙනවා. දත්ත භාවිත කිරීමේදී සහ පරිශීලකයන් වෙනුවෙන් විනිවිදභාවය පවත්වාගෙන යාමේදී සමාගම් ඉහළ ප්‍රමිති පවත්වාගෙන යා යුතුයි. සමාගම් ඒ සඳහා වගකිව යුතු පෞද්ගලිකත්වය පිළිබඳ ඵලදායී නීතිරීති ගෙන එන්නේ නම් අපි ඊට ද සහයෝගය ලබාදෙනවා” යැයි හෙතෙම කීය.
 
බ්‍රිතාන්‍ය පාර්ලිමේන්තුවේ ඩිජිටල්, සංස්කෘතික, මාධ්‍ය හා ක්‍රීඩා කමිටුව ‘අසත්‍ය තොරතුරු සහ ව්‍යාජ පුවත්’ පිළිබඳ අවසන් වාර්තාව ප්‍රසිද්ධියට පත් කිරීමෙන් අනතුරුව ෆේස්බුක් සමාගමේ එක්සත් රාජධානියේ මහජන ප්‍රතිපත්ති කළමනාකාර කරීම් පැලැන්ට් එම කරුණු සඳහන් කළේය. 
 
ෆෙස්බුක් සමාජ මාධ්‍ය වෙබ් අඩවිය වුවමනාවෙන්ම දත්තවල පෞද්ගලිකත්වය සහ තරගකාරීත්වය සම්බන්ධයෙන් පවතින නීතිරීති උල්ලංඝණය කර ඇති බවත් එම නිසා ප්‍රජාතන්ත්‍රවාදය සහ පුරවැසියන්ගේ අයිතිවාසිකම් ආරක්ෂා කිරීම සඳහා එම සමාගම ඇතුළු අනෙකුත් සියලු තාක්ෂණික සමාගම් නියාමනය කළ යුතු යැයි එම කමිටු වාර්තාව සැකසීමට එක්වූ බ්‍රිතාන්‍යයේ පාර්ලිමේන්තු මන්ත්‍රීවරු පැවැසූහ. 
 
ෆෙස්බුක් සමාගමේ ප්‍රධාන විධායක නිලධාරී මාර්ක් සකර්බර්ග් “නායකත්වය සහ පෞද්ගලික වගකීම” යන කරුණුවලදී අසමත් වී ඇතැයි ද එම කමිටුව පෙන්වා දී ඇත. ෆෙස්බුක් සමාජ මාධ්‍ය වෙබ් අඩවිය ඇතුළු මහ පරිමාණ තාක්ෂණික සමාගම් ඔවුන්ගේ වෙබ් අඩවි සහ අන්තර්ජාල වේදිකාවල (ප්ලැට්ෆෝම්) හානිකර අන්තර්ගතයන් නැවැත්වීමට අසමත් වී ඇතැයි ද එම කමිටුව සිය වාර්තාවෙන් පෙන්වා දී තිබේ. 
අසත්‍ය තොරතුරු, විදේශ මැතිවරණවලට කරන ලද බලපෑම් සහ පෞද්ගලික දත්තවලට තිබෙන අවදානම යනාදිය සම්බන්ධයෙන් කරුණු අදාළ වාර්තාවේ ඇතුළත් වේ. 
 
“අන්තර්ජාල වේදිකා (ප්ලැට්ෆෝම්ස්) සහ ජනතාව අතර බලය සමතුලිතාවයේ විප්ලවකාරී වෙනසක් සිදු විය යුතු” යැයි බ්‍රිතාන්‍ය පාර්ලිමේන්තුවේ ඩිජිටල්, සංස්කෘතික, මාධ්‍ය හා ක්‍රීඩා කමිටුවේ සභාපති ඬේමියන් කොලින්ස් පැවැසීය. 
 
ප්‍රමාණවත් නැති ස්වයං නියාමන කාලය අවසන් විය යුතු බව ද කොලින්ස් කීවේය. මාස 18 
ක විමර්ශනයකින් පසුව ඉහත කී වාර්තාව එළිදක්වන ලදි. ෆෙස්බුක් සමාජ මාධ්‍ය වෙබ් අඩවිය “වුවමනාවෙන්ම සහ අනුදැනුම ඇතිව දත්ත පෞද්ගලිකත්වයට සහ තරගකාරීත්වයට එරෙහි නීති උල්ලංඝණය කර ඇත” යන්න එම විමර්ශනයේ අවසන් නිගමනය විය.
 
“පුරවැසියන්ගේ අයිතිවාසිකම් නීතියෙන් ස්ථාපිත විය යුතුයි. තාක්ෂණික සමාගම් පාර්ලිමේන්තුවේදී නීතියක් ලෙස සම්මත වූ ආචාර ධර්ම සංග්‍රහයක් පිළිපැදිය යුතුයි. එමෙන්ම ස්වාධීන නියාමකයකු මගින් එය පාලනය විය යුතු” යැයි ද කොලින්ස් පැවැසීය.
 
කෙසේ නමුත් ෆෙස්බුක් සමාගම එල්ල වූ එම චෝදනා ප්‍රතික්ෂේප කළ අතර බ්‍රිතාන්‍ය පාර්ලිමේන්තු කමිටුව සිය වාර්තාවෙන් අවධානය යොමු කර තිබෙන ව්‍යාජ පුවත් සහ මැතිවරණවල අවංක බව සම්බන්ධයෙන් කරුණු බෙදාහදාගත් බව සඳහන් කළේය.
 
 
(රොයිටර් ඇසුරිනි ) 
 
055

 



අදහස් (0)

නියාමනයට විවෘත යැයි ෆේස්බුක් සමාගම කියයි

ඔබේ අදහස් එවන්න

සයුරෙන් එතෙර

මෝදි මූදු පතුලේ පූජාවක
2024 පෙබරවාරි මස 25 1034 0

ඉන්දීය අග්‍රාමාත්‍ය නරේන්ද්‍ර මෝදි ගුජරාඨ ප්‍රාන්තයට ඔබ්බෙන් අරාබි මුහුදේ කිමිඳී, ක්‍රිෂ්ණා දෙවියන් වෙනුවෙන් විශේෂ පූජාවක් පැවැත්වීය.


සටන් විරාම සාකච්ඡා පැරිසියේදී
2024 පෙබරවාරි මස 25 71 0

ගාසා තීරයේ ගැටුම් නිමා කිරීම සහ හමාස් සටන්කාමීන්ගේ ග්‍රහණයේ පසුවන ඊශ්‍රායල ප්‍රාණ ඇපකරුවන් නිදහස් කර ගැනීම සඳහා සටන් විරාම සාකච්ඡා ප්‍රංශයේ පැරිස් න


හිරේ ඉන්න ඉම්රාන් ලිපියක් යවලා
2024 පෙබරවාරි මස 25 107 0

දූෂණ චෝදනා සම්බන්ධයෙන් වසර 14 ක සිරදඩුවමක් විදින ’තරීක් ඊ ඉන්සාෆ්’ දේශපාලන පක්ෂයේ නායකයා මෙන්ම හිටපු අග්‍රාමාත්‍යවරයා ද වන ඉම්රාන් ඛාන්, ජාත්‍යන්තර මූ


ඉරාන හමුදාව පාකිස්තානයේ මෙහෙයුමක
2024 පෙබරවාරි මස 25 1243 0

පාකිස්තානයේ ක්‍රියාත්මක සුන්නි මුස්ලිම් ජායිෂ් අල් අඩ්ල් සන්නද්ධ කණ්ඩායමේ සාමාජිකයන් පිරිසක් ඝාතනය කිරීමට ඉරාන හමුදාව පියවර ගෙන ඇත. ඒ, ඉරාන පාකිස්තා


නවල්නිගේ දේහය මවට දෙයි
2024 පෙබරවාරි මස 25 895 0

සිර දඩුවම් විදිමින් සිටියදී මියගිය, රුසියානු විපක්ෂ නායක අලෙක්සි නවල්නි ගේ දේහය ඔහුගේ මවට බාර දීමට රුසියානු බලධාරීන් එකඟ වී ඇත.


මකරකු වැනි සතකුගේ පොසිලයක්
2024 පෙබරවාරි මස 24 2708 0

වසර මිලියන 240ක් පමණ පැරණි සත්ත්වයකුගේ සම්පූර්ණ ෆොසිලයක් සොයාගෙන හමුවී ඇති බවත් පොසිලයේ පෙනුම අනුව එම සත්වයා මකරකු සිහි ගන්වන බවත් විදෙස් මාධ්‍ය පවසයි.


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 255 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 286 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 296 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site