IMG-LOGO

2024 මැයි මස 30 වන බ්‍රහස්පතින්දා


ජනපති-හමුදාපති සාකච්ඡා

රටේ පවතින දේශපාලන අර්බුදය සම්බන්ධයෙන්, පාකිස්තාන ජනාධිපති අසීෆ් අලී සර්දාරි සහ එරට හමුදාපති අෆ්තාක් කයානී අතර මුහුණට මුහුණ හමුවක් පෙරේදා (14) පැවැත්විණි.. පාකිස්තාන ජනපති දුර්වල පාලකයකු යැයි පාකිස්තාන හමුදාව චෝදනා කරයි. ඔවුන් තරයේ කියා සිටින්නේ ජනපති සර්දාරි ධුරයෙන් ඉවත් විය යුතු බවය. එම හේතුව නිසා ජනාධිපති සර්දාරි මෙන්ම පාකිස්තාන අගමැති යූසොෆ් රාසා ගිලානි ද බිය පළ කරනුයේ යළිත් වරක් පාකිස්තානයේ හමුදා කුමන්ත‍්‍රණයක් සිදුවේවි කියාය. ජනපතිවරයා සහ හමුදාපති කයානී අතර හමුවක් පැවැත්වූයේ ද ඒ පිළිබඳ සාකච්ඡා කිරීමටය. හමුදා කුමන්ත‍්‍රණයක් ඇතිවේවි යන බිය නිසා ජනාධිපති සර්දාරි මීට මාස කිහිපයකට පෙර ඇමෙරිකා හමුදාවෙන් උදවු ඉල්ලා සන්දේශයක් යැවීය. හමුදා කුමන්ත‍්‍රණයක් ඇති වුව හොත් පාකිස්තාන හමුදාව අඩපණ කිරීමට ඇමෙරිකා හමුදාවේ සහාය පතන බව එම සන්දේශයෙහි සඳහන් විය. ජනාධිපතිවරයා එම සන්දේශය ඇමෙරිකා හමුදා ප‍්‍රධානීන්ට යැවුවේ එවකට ඇමෙරිකාවේ සිටි පාකිස්තාන තානාපති හුසේන් හක්කානීගේ මාර්ගයෙනි. ඒ පිළිබඳ අනාවරණය වීමත් සමඟ හක්කානී තානාපති ධුරයෙන් ද ඉවත් විය. එම සිද්ධිය පාකිස්තාන හමුදාවේ දැඩි විරෝධයට හේතු විය. පාකිස්තාන ආරක්ෂක ලේකම් විශ‍්‍රාමික ලූතිනන් ජනරාල් නයීම් කලීඞ් ලෝඞීගේ මාර්ගයෙන් පාකිස්තාන හමුදාව ශ්‍රේෂ්ඨාධිකරණය ලවා එම සන්දේශය සම්බන්ධ සිදුවීම ගැන පරීක්ෂණ ආරම්භ කළේය. ඒ සම්බන්ධ නඩු විභාගය ද මේ වනවිට පැවැත්වෙයි. එහෙත් අයථා අන්දමින් හා නීති විරෝධී ලෙස කි‍්‍රයා කිරීමත් එසේ කටයුතු කිරීමේදී රජයත් අධිකරණ පද්ධතියත් හමුදාවත් අතර අනවබෝධයක් ඇතිවීමත් යන චෝදනා මත ආරක්ෂක ලේකම්වරයා සිය තනතුරින් නෙරපා දැමීමට අගමැති ගිලානී මීට දින කිහිපයකට පෙර කටයුතු කළේය. පාකිස්තාන රජයේ අවසරයකින් තොරව ශ්‍රේෂ්ඨාධිකරණය පරීක්ෂණයක් පැවැත්වීම ආණ්ඩුකම ව්‍යවස්ථාව උල්ලංඝණය කිරීමක් යැයි පාකිස්තාන රජය චෝදනා කරයි. සිවිල් රජයක් පවතින පාකිස්තානයේ හමුදා කටයුතු සම්බන්ධ වගකීම් රැසක් බාරව සිටින ජේෂ්ඨතම සිවිල් නිලධාරියා ද ආරක්ෂක ලේකම්වරයාය. එපමණක් නොව පාකිස්තාන හමුදාවේ ප‍්‍රධානතම උපදේශකයා වන්නේද ඔහුය. මේ අතර යළිත් වරක් හමුදා කුමන්ත‍්‍රණයක් සිදුවුවහොත් එය වැළැක්වීමට බි‍්‍රතාන්‍යයේ සහාය තමන් අපේක්ෂා කරන බව පාකිස්තාන අගමැති යූසොෆ් රාසා ගිලානී ඉකුත් සිකුරාදා (13 වැනිදා) හදිසියේම ඉස්ලාමාබාද් නුවර බි‍්‍රතාන්‍ය මහ කොමසාරිස් ඇඩම් තොම්සන්ට අමතමින් ඉල්ලීමක් කළේය. බි‍්‍රතාන්‍ය තානාපති කාර්යාල ආරංචි මාර්ග පවසන අන්දමට පාකිස්තාන අගමැතිවරයා බි‍්‍රතාන්‍ය මහ කොමසාරිස්වරයා සමඟ කතාබහ කර ඇත්තේ ඉතා කනස්සල්ලෙනි. පාකිස්තාන අගමැතිවරයා හදිසියේම බි‍්‍රතාන්‍ය තානාපති කාර්යාලයට ඇමැතුමක් ගත් බව පාකිස්තාන අගමැති කාර්යාලයේ නම හෙළි කිරීමට අකමැති නිලධාරීන් කිහිප දෙනකු ද සනාථ කොට ඇත. පාකිස්තාන හමුදාව කුමන්ත‍්‍රණයක් සිදු නොකළහොත්  ශ්‍රේෂ්ඨාධිකරණය හරහා සිවිල් නායකයන් නෙරපා දැමීමට පියවරක් ගනීවි යැයි තමා සැක කරන බව ද අගමැති ගිලානි එම අවස්ථාවේදී පවසා ඇත. වසර 64 ක් තරම් කෙටි ඉතිහාසයක් ඇති පාකිස්තානයේ හමුදා කුමන්ත‍්‍රණ මගින් ආණ්ඩු පෙරළීම් තුනක් සිදුවිය. අවසන් වරට හමුදා කුමන්ත‍්‍රණයක් සිදුවූයේ 1999 වසරේදීය. එවකට හමුදාපතිව සිටි පර්වේස් මුෂාරෆ් පාකිස්තාන ජනාධිපති ධුරයට පත්වූයේ ඉන් පසුවය.



අදහස් (0)

ජනපති-හමුදාපති සාකච්ඡා

ඔබේ අදහස් එවන්න

සයුරෙන් එතෙර

ඇමෙරිකන් බැංකුවක පිපිරීමක්
2024 මැයි මස 29 159 0

ඇමෙරිකාවේ ඔහියෝ ප්‍රාන්තයේ බැංකු ගොඩනැගිල්ලක සිදුවූ පිපිරීමකින් පුද්ගලයෝ 7 ක් තුවාල ලැබූහ. පිපිරීමට හේතුව ගෑස් කාන්දුවක් බව ඇමෙරිකන් මාධ්‍ය පවසයි. ප


ඉන්දියාවේ උෂ්ණත්වය සෙල්සියස් අංශක 50 ක්
2024 මැයි මස 29 1732 0

ඉන්දියාවේ ප්‍රාන්ත රැසක උෂ්ණත්වය අනතුරුදායක ලෙස සෙල්සියස් අංශක 50 ක් දක්වා ඉහළ ගියේය.


පාප්තුමා සමාව ඉල්ලයි
2024 මැයි මස 29 176 0

සමලිංගිකයන්ට අපහාස කළේ යැයි ශුද්ධොත්තම ෆ්‍රැන්සිස් පාප්තුමන්ට චෝදනා එල්ල වී ඇති අතර, එම චෝදනා සම්බන්ධයෙන් පාප්තුමා සමාව ඉල්ලා සිටියේය.


පලස්තීනයට සාමය ගේන්න සූදානම්
2024 මැයි මස 29 84 0

පලස්තීනය වෙනම රාජ්‍යයක් ලෙස පිළිගැනීමෙන් පසු, යුරෝපා රටවල් වන ස්පාඤ්ඤය, අයර්ලන්තය සහ නෝර්වේ රාජ්‍යය, ඊශ්‍රායල පලපස්තීන අර්බුදයටත්, ගාසා තීරයේ ඊශ්‍රා


නෙදර්ලන්ත අගමැති ධුරය හිටපු බුද්ධි අංශ ප්‍රධානියාට
2024 මැයි මස 29 53 0

යුරෝපා රාජ්‍යයක් වන නෙදර්ලන්තයේ අග්‍රාමාත්‍ය ධුරය සඳහා එරට හිටපු බුද්ධි අංශ ප්‍රධානී 67 හැවිරිදි ඩික් ස්කූෆ් නම් කිරීමට එරට සන්ධාන රජය තීරණය කර තිබේ.


රුසියන් යුක්රේන සාම සමුළුව ස්විට්සර්ලන්තයේ
2024 මැයි මස 29 71 0

රුසියන් යුක්රේන අර්බුදයට විසඳුම් සෙවීමේ සාම සමුළුවක් ස්විට්සර්ලන්තයේ දී පැවැත්වීමට නියමිත අතර, ඊට සහභාගී වෙන්නැයි යුක්රේන ජනාධිපති ව්ලොදිමීර් සෙලෙ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1026 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2600 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2218 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site