IMG-LOGO

2023 සැප්තැම්බර් මස 22 වන සිකුරාදා


ගඩාෆිට පක්ෂ බානී වාලිඩ් නගරය අල්ලා ගැනීමේ මහ සටන ඇරඹේ

ලිබියා නායක මුවම්මාර් ගඩාෆිට පක්ෂපාතී නගරයක් ලෙස සැලකෙන ටි‍්‍රපොලි අගනුවරට කිලෝ මීටර් 140 ක් දුරින් පිහිටි ‘බානී වාලීඞ්’ අත්පත් කර ගැනීමේ මහ සටන ඊයේ (05) ආරම්භ විය. කැරැලිකරුවන්ට සහාය පළ කරමින් නේටෝ ගුවන් හමුදාව බානී වාලීඞ් නගරයට බෝම්බ හෙලීම ආරම්භ කළේය. ලිබියාවේ ටි‍්‍රපොලි අගනුවර ඇතුළු ප‍්‍රධාන නගර රැසක් අත්පත් කර ගැනීමට ආයුධ සන්නද්ධ කැරැලිකරුවන් සමත්ව සිටියත් නගර හතරක බලය තවමත් ඇත්තේ ගඩාෆි හමුදා අතේය. එම නගර හතරින් දෙකක් වන්නේ බානී වාලිඞ් සහ ගඩාෆිගේ උපන් ගම ලෙස සැලකෙන සර්තේය. කැරැලිකරුවන් මේ වනවිට බානී වාලිඞ් මෙන්ම සාර්තේ නගරය ද වට කර ඇති අතර එම නගරවලින් පිටවන සියලූම මාර්ග අවහිර කර තිබේ. කැරැලිකරුවෝ බානී වාලිඞ් නගරය වට කිරීමෙන් පසු නගරයේ ගෝති‍්‍රක නායකයන් සමඟ ද සාකච්ඡා කළහ. එහිදී ගෝති‍්‍රක නායකයන් කිහිප දෙනකු කැරැලිකරුවන්ට පක්ෂව කටයුතු කිරීමට කැමැත්ත පළ කර ඇත. බානී වාලීඞ් නගරයේ බහුතරය වර්ෆාලා නමැති ගෝති‍්‍රක ජනයාය. ඔවුහු ගඩාෆි හිතවාදීහුය. එම නිසා බානී වාලිඞ් නගර වැසියන් අතරේ ද බෙදීමක් හට ගෙන තිබෙන බව කැරැලිකරුවන්ගේ පාර්ශ්වය නියෝජනය කරමින් බානී වාලිඞ් නගරයට ගිය නියෝජිත මොහොමඞ් අබ්දෙල් අසීස් පවසයි. සාමකාමී අයුරින් බානී වාලිඞ් නගරය අත්පත්කර ගැනීමේ කටයුත්ත විසඳා ගැනීමට හැකිව තිබුණු අතර ගඩාෆි පාක්ෂිකයන් ඊට විරෝධය එල්ල කිරීමෙන් පසු ඊයේ (5)සිට නගරයට පහර දීම ආරම්භ කළ බව ලිබියා අන්තර්වාර පාලක මණ්ඩලය නිවේදනය කළේය.

ගඩාෆිගේ අඹු දරුවනට රැකවල් දෙන්නේ මානුෂික හේතු මත

ඇල්ජීරියා අගමැති කියයි

ලිබියා නායක කර්නල් මුවම්මාර් ගඩාෆිගේ බිරිය සහ දරුවන්ට තම රටට ඇතුළු වීමට අවසර දී ඔවුන්ට රැකවරණ ලබා දුන්නේ මානුෂීය හේතු සැලකිල්ලට ගෙන යැයි ඇල්ජීරියා අගමැති අවධාරණය කරයි. ගඩාෆිගේ පවුලේ සාමාජිකයන්ට රැකවරණ දීම සම්බන්ධයෙන් ලිබියා කැරැලිකාර පාර්ශ්වය නියෝජනය කරන ‘ජාතික අන්තර්වාර පාලක මණ්ඩලය’ ඇල්ජීරියා රජයට දොස් පවරයි. ගඩාෆිගේ බිරිය සෆීයා, දියණිය අයීෂා සහ පුතුන් දෙදෙනකු වන මොහොමඞ් සහ හැනිබල් ඔවුන්ගේ පවුල්වල සාමාජිකයන් ද සමඟ දේශසීමා හරහා ඇල්ජීරියාවට පලා ගියේ ඉකුත් 29 වැනිදාය. ඒ, වසර 42 ක් තිස්සේ පැවැති ගඩාෆි පාලනය බිඳ වැටීමෙන් පසුවය. ගැබිනියකව සිටි ගඩාෆිගේ දියණිය අයීෂා ඇල්ජීරියාවට පැමිණීමෙන් පසු දරුවකු ප‍්‍රසූත කළාය. ”ගඩාෆිගේ පවුලේ සාමාජිකයන් සිටින්නේ අපගේ ආරක්ෂාව යටතේයි. ඔවුන් ආරක්ෂා කිරීම අපේ වගකීමක්. කැරැලිකාර පාර්ශ්වයට ඔවුන් හසුවුණා නම් ඔවුන් මරා දමන්නත් ඉඩ තිබුණා. අප ඔවුන්ට රැකවරණ ලබා දෙන්නේ මානුෂීය හේතු සැලකිල්ලට ගෙන” යැයි ඇල්ජීරියා අගමැති අහ්මෙඞ් ඔහියා පවසයි. එම පිරිස ලිබියාවට ලබා දෙන ලෙසත් ඔවුන්ට එරෙහි නීති මගින් කටයුතු කිරීමට අවශ්‍ය බවත් ලිබියා අන්තර්වාර පාලක මණ්ඩලය ඇල්ජීරියා රජයට දැනුම් දී ඇතත් ඇල්ජීරියා රජය පවසා ඇත්තේ ගඩාෆිගේ බිරිය සහ  දරුවන් ආරක්ෂාකාරීව ඇල්ජීරියාවේ රැඳී සිටින බවය. ගඩාෆිගේ බිරිය, දියණිය සහ පුතුන් දෙදෙනාට රැකවරණ ලබා දුන්නත්, ගඩාෆි රැකවරණ ඉල්ලා සිටියහොත් ඒ ගැන දෙවරක් සිතා බලන බව ඇල්ජීරියා විදේශ කටයුතු අමත්‍යාංශය ඉකුත් සතියේ වැඩි දුරටත් කියා සිටියේය. ගඩාෆි බිරිය සහ දරුවන් ඇල්ජීරියාවට පැමිණි අවස්ථාවේදී ගඩාෆි ද ලිබියාවේ සිට ඇල්ජීරියාවට පැමිණීම සඳහා ඇල්ජීරියා ජනපතිගෙන් අවසර ඉල්ලා සිටීමට උත්සාහ ගෙන ඇති නමුත් එය අසාර්ථක වී ඇතැයි ඇල්ජීරියානු පුවත්පත් වාර්තා කර තිබුණද ඇල්ජීරියා රජය ඒ බව තහවුරු කර නැත.



අදහස් (0)

ගඩාෆිට පක්ෂ බානී වාලිඩ් නගරය අල්ලා ගැනීමේ මහ සටන ඇරඹේ

ඔබේ අදහස් එවන්න

සයුරෙන් එතෙර

ධුරයෙන් ඉවත් වන්නැයි ආමේනියා අගමැතිට බලපෑම්
2023 සැප්තැම්බර් මස 21 133 0

ආමේනියා අග්‍රාමාත්‍ය නිකොල් පෙෂින්යාන්ට ධුරයෙන් ඉවත් වෙන්නැයි බලකරමින් විරෝධතා පැවැත්වෙයි. විරෝධතා පැවැත්වෙන්නේ ආමේනියාවේ යෙරවාන් අගනුවර රිපබ්ලි


කැනඩා ඉන්දියා අර්බුදයට ඇමෙරිකාව මැදිහත් වෙයි
2023 සැප්තැම්බර් මස 21 241 0

කැනඩාවත් ඉන්දියාවත් අතර නිර්මාණය වූ රාජ්‍ය තාන්ත්‍රික අර්බුදයට මැදිහත් වෙමින්, ඇමෙරිකා රජය ඉන්දියාවට පවසා ඇත්තේ, කැනඩාව එල්ල කරන චෝදනා සම්බන්ධයෙන් ප


පිටසක්වළයන් ගැන අලුත් අනාවරණයක්
2023 සැප්තැම්බර් මස 21 2770 2

මෙක්සිකෝ පාර්ලිමේන්තුවේ දී ලොවට අනාවරණය කළ පිටසක්වළ ජීවීන්ගේ යැයි සැක කෙරෙන කුඩා සිරුරු විශේෂ වෛද්‍ය පරීක්ෂණවලට යොමු කළ බවත්, එම සිරුරු බොරු යැයි කීම


ඉන්දියාවෙන් හිස එසවූ ‘නීපා’ තවත් රටවල්වලට පැතිරිලා
2023 සැප්තැම්බර් මස 21 4307 1

ඉන්දියාවෙන් ආරම්භ වුණු ‘නීපා’ වයිරසය, මේ වනවිට බංගලාදේශය, සිංගප්පූරුව සහ පිලිපීනය යන රටවලටත් ව්‍යාප්ත වී ඇතැයි විදෙස් මාධ්‍ය වාර්තා කරයි.


ඉන්දියාව රොකට් යවද්දී පාකිස්තානය හිඟා කනවා
2023 සැප්තැම්බර් මස 20 420 0

ඉන්දියාව හඳට රොකට් යවද්දී, ආර්ථික අර්බුදයකින් බැටකන පාකිස්තානය මුදල් ඉල්ලමින් ලෝකය වටා හිඟාකනවා යැයි පාකිස්තානයේ හිටපු අග්‍රාමාත්‍ය නවාස් ෆරීෆ් චෝ


යුක්රේන ජනාධිපතිවරයා ජගත් මහා මණ්ඩලය අමතයි
2023 සැප්තැම්බර් මස 20 152 0

යුක්රේන ජනාධිපති ව්ලොදිමීර් සෙලෙන්ස්කී, එක්සත් ජාතීන්ගේ 78 වැනි මහා මණ්ඩල සැසිය අමතමින්, ලෝක නායකයන්ගෙන් ඉල්ලීමක් කළේ, රුසියාවෙන් යුක්රේනයට එල්ල වන කෙ


මේවාටත් කැමතිවනු ඇති

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 1397 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

දරු පැටියාට සුරක්ෂිත ලොවක් තනමු 2023 අගෝස්තු මස 28 658 0
දරු පැටියාට සුරක්ෂිත ලොවක් තනමු

නිවසේ දී වැටීම් හා පිළිස්සීම්වලින් දරුවන් ආරක්ෂා කිරීම දෙමව්පියන්ගේ යුතුකමකි. දරුවන් නිවසේ දී ඇද වැටීම්වලට ලක් වීම සාමාන්‍ය දෙයකි. වගකීම් සහගතව නිවැ

ශ‍්‍රී ලංකා ඉන්ෂුවරන්ස් - ආයතනික වටිනාකම් කේන්ද්‍ර කරගත් අනාගතයට පිය නගන  සේවා ස්ථානයක්. 2023 අගෝස්තු මස 24 359 0
ශ‍්‍රී ලංකා ඉන්ෂුවරන්ස් - ආයතනික වටිනාකම් කේන්ද්‍ර කරගත් අනාගතයට පිය නගන සේවා ස්ථානයක්.

දේශයේ රක්ෂකයා වන ශ‍්‍රී ලංකා ඉන්ෂුවරන්ස් :ීඛෂක්‍* මෙරට විශාලතම රාජ්‍ය හිමිකාරිත්වය සතු රක්ෂණ ආයතනය වන අතරල හැකියාවෙන් පිරිපුන් දක්ෂ කාර්යමණ්ඩලය ශ‍්‍

Our Group Site