උතුරු කොරියාව මහාද්වීපික මිසයිල කිහිපයක් ඊසාන දිග වෙරළ තීරයේ දී අත්හදා බලා ඇතැයි දකුණු කොරියාවේ ආරක්ෂක අංශ පවසයි.

එක්සත් ජාතීන්ගේ සංවිධානය උතුරු කොරියාවට න්‍යෂ්ටික හා මහද්වීපික මිසයිල තාක්ෂණය වැඩි දියුණු කිරීම තහනම් කිරීමේ නියෝග ද පනවා තිබේ. එහෙත් පසුගිය මාස කිහිපයේදී උතුරු කොරියාව වරින් වර මිසයිල ප්‍රහාර එල්ල කර ඇති බව වාර්තා විය.

ජපාන අගමැති ෂින්සෝ අබේ පවසන්නේ මේ සම්බන්ධව තදින්ම විරෝධය පළ කරන බවයි. මෙම තත්වය ජපානයේ ආරක්ෂාවට බලවත් තර්ජනයක් බවත් ඔහු කියයි.

ඇමරිකාවද ඊට විරෝධය පළකර සිටින බව ප්‍රකාශ කර ඇත.

උතුරු කොරියාව ආසන්න රටවලට ප්‍රහාර එල්ල කිරීමට ඇති සූදානම පිළිබඳව මෙයින් අනතුරු අඟවන බව විචාරකයෝ පවසති.