2025 ජුලි මස 09 වන බදාදා
2025 ජුලි මස 09 වන බදාදා
හැත්තෑව දශකයේ දිනක කොළඹ බෞද්ධ කාන්තා විදුහලේ ඉගෙනුම ලබන නැගණිය පාසැල් නිවාඩුවට රත්නපුරේ තම පවුලේ නිවසට පැමිණියාය. සංගීත ලෝලියකුවූ තම අයියා හමුවීමට පැමිණෙන ඔහුගේ කලාකාමි මිතුරන් සමග කතා බස් ඇයට ද ඉඳහිට වටින් ගොඩින් ඇසෙන්නේය. එම කතා අනුව ලස්සනට සිංදු ගායනා හැකි ගැහැණු ළමයෙක් සොයා ගැනීමට අයියා සහා මිතුරු කැළ වෙහෙසෙන බව නැගණියට අවබෝධ කර ගැනීමට එතරම් හෝරාවක් ගත නොවීය.
සැමදා මෙන් එදාද සබරගමු තේ සහිත බිස්කට් කෙසෙල් ගෙඩි ඇතුළත් බන්දේසිය සාලයට ආවේය. අයියා සමග සිටි පිරිසට බෙදීමෙන් පසු එය කුඩා ටීපෝව මත තැබූ නංගී අයියාට යෝජනාවක් ගෙන ආවේය.
අයියලා හොඳට සිංදු කියන ගැහැණු ළමයෙක් හොයනවද ?
ඔව්, ඔයා දන්න කවුරු හරි ඉන්නවද? නංගි.
මගේ ඉස්කෝලේ ළමයෙක් ඉන්නවා එතරම් ලස්සන නම් නැහැ. හැබැයි කට හඬ නම් කියලා වැඩක් නැහැ අයියේ, ඒ තරමටම ලස්සනට සිංදු කියනවා.
ඇත්තද, අපිට එයාගේ ලස්සනෙන් වැඩක් නැහැ; ඔයාට එයා එක්කර ගෙන එන්න පුළුවන්ද?
මම ඒක කරන්නම් යැයි නංගී පොරොන්දු වූවාය.
පොරොන්දු වූ පරිදි දිනක නංගී විසින් මිතුරිය සමග එකල කොළඹ රීගල් සිනමා ශාලාව අසල පවත්වා ගෙන ගිය ‘සූර්ය රෙකෝඩ් බාර්‘ එකට පැමිණියාය. අයියාගේ මිතුරකු විසින් ලියා පදමලාව ද සකස් කොට සංගීතය එක් කළ ගීතයක් මිතුරියට දුන් අයියාගේ මිතුරු කැළ ඇය ගීතය ගයන අයුරු ඇස් පිල්ලන් නොගසා බලා සිටියහ.
නැවත දිනයක් ලබා දුන් ඔවුහු ‘එදාට අපි ගීතය පටි ගත කරමු‘යි පවසමින් නංගී සමග පැමිණි ඉන්ද්‍රාණි නම් මිතුරියට සමු දුන්හ.
ඔවුන්ගේ සමුගැනීමෙන් පසු සංගීත මිතුරු කැළ තීරණයකට පැමිනියාහ. දැන් ඉතින් කවුරුවත් හොයන්න ඕනෑ නැහැ. ඒ කෙල්ල නියමයි. අපි එයා ගනිමු. ඒ අනුව ප‍්‍රථම වරට දිල්හාණි දුවණී ගීතය ගයමින් ඉන්ද්‍රාණි පෙරේරා ගායිකාව ගේ සංගීත ලෝකය එළිපෙහෙළි වන්නට පටන් ගත්තේය.
මෙම සංගීත ලෝලී තරුණ කැළට උදව් උපකාර කළ කෙනෙක් එකල ගුවන් විදුලියේ සේවය කළේය. තරුණයන්ගේ හැකියාව දුටු ඔහු දෙවරක් නොසිතා ඔවුන්ට අත හිත දුන්නේය. එයට කෘතගුණ සැලකීමක් ලෙස ඔහුගේ දියණියට ගීයක් ද නිර්මාණය කළේය. එදා ජනප‍්‍රිය ගුවන් විදුලි ඉංග‍්‍රීසි සිංහල නිවේදක විජය කොරයාගේ දියණිය දිල්හාණී ය.
එදා එම ගීතය ලියා දුන්නේ අප අතරින් සමුගත් ශ්රී ලංකාවේ පොප් සංගීතයේ දැවැන්තයක වූ කැලැරන්ස් විජේවර්ධනයි. ඇය ඔවුන්ට මුණ ගැසීමට ඇනස්ලි මාලේවනගේ නංගී මුල් විය. ඉන්ද්‍රානි පෙරේරා සංගීත ලෝකයට පිවිසෙන්නේ එලෙසය. ඒ අනුව මුන්ස්ටෝන්ස් සංගීත කන්ඩායමට එකතුවු ඇය පසු කලකදී මුන්ස්ටෝන් විසිරෙන විට කැලැරන්ස් විසින් ගෝල්ඩන් චයිම්ස් ගොඩ නඟන අතර ඉන්ද්‍රානි ත‍්‍රී සිස්ටර් ගොඩ නැගීය. පසුකල කැලැරන්ස් සංගීතය සැපැයු ප‍්‍රථම චිත‍්‍රපටය වු සිකුරුලියා හී ”වසන්තයේ මල් කැකුළයි” ගීතය ගැයීමටද ඇය එක් වූවාය.
හැත්තෑව හා අසූව දශකයේ ශ්‍රීලංකාවේ ඉතාමත්ම ජනප‍්‍රිය පොප් සංගීත කණ්ඩායම් අතර ”ත‍්‍රී සිස්ටර්ස් ” සංගීත කණ්ඩායමට හිමි වන්නේ සුවිශේෂී ස්ථානයකි. එම කණ්ඩායම එකම පවුලේ සහෝදරියන් තිදෙනෙකුගේ එකතුවෙන් බිහි වූවකි. ගායනයට උපන් හැකියාවක් තිබූ මෙම සහෝදරියන් අතරින් ඉන්ද්‍රානි පෙරේරා එකල ශ්රී ලංකාවේ ජනප‍්‍රියම ගායිකාවක් වුවාය. ඇගේ ගීත තරුණ පරපුරේ සිත් බැඳ ගත් අතරම ඇය යුග ගී ගැයීමටද එක් වුවාය. ඇගේ සමකාලීන ගායකයෙක් වූ අනිල් භාරතීද යුග ගී ගැයීමට ඇය හා එක් වුයේය. එකල ඇය නොමැති සංගීත ප‍්‍රසංඟයක් නොමැති තරමට ඇය ප‍්‍රසංඟ වේදිකාවේද ජනප‍්‍රිය ගායිකාවක් වූවාය.
එකල ජනප‍්‍රිය වූ ඔවුන් දෙදෙනා මෙවර පැරීසියේ සංගීත ප‍්‍රසංඟයකට සහභාගි වන්නේය. ඉන්ද්‍රානි පෙරේරා සමග අනිල් භාරතී ගී ගයන ප‍්‍රනාම උපහාරාත්මක සංගීත සැඳෑව මාර්තු 06 වැනි ඉරු දින සවස 03ට පැවැත්වීමට යයි. පැරීසියේ මීගමු සංවිධානයේ ‘සන්රයිස්‘ සංචාරක ආයතනයේ ප‍්‍රචාර අනුග‍්‍රහයෙන් පැරීසියේ කලාකරුවන් සුරැුකීමේ එකමුතුව මෙම ප‍්‍රසංඟය සංවිධානය කර ඇති අතර එකල දක්ෂ ගිටාර් වාදක උපාලි කන්නන්ගර සමග පැරීසියේ චමින්ද ලිවේරා ප‍්‍රමුඛ ඡායා වෛබ්‍රේෂන් සංගීත කණ්ඩායම සංගීතයෙන් සහාය වේ.
ප‍්‍රසංගයේ ප‍්‍රතිලාභ ශ්රී ලංකාවේ අඩු ආදායම් කලාකරුවන් වෙනුවෙන් වෙන්වන බව ප‍්‍රසංඟයේ සංවිධායකවරු පැවසූහ.
2025 ජුලි මස 04
205
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
711
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1120
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඉන්ද්‍රානි හා අනිල් පැරීසියේ ප‍්‍රණාමයට
සේරම් පැරිස් Saturday, 05 March 2016 08:53 AM
මේක බලන්න එන කට්ටිය සෙල්ෆි කැමරා අරගෙන එන්න ඔවුන් සමඟ පින්තූරයක් ගැනීමට. එය ඔවුන්ටත් අපටත් ආඩම්බරයක් (නි)
කුමාර් Friday, 04 March 2016 07:30 PM
සුබ පැතුම්! (නි)
පිරිස් පැරිස් Thursday, 03 March 2016 06:58 PM
ප්‍රරන්ශයේ සියලු දෙනා බලන්න ඕනා මුයුසිකල් ශෝ එකක් සුබ අනාගතයක් .ජයවේවා (රේ)
අනුර පැරිස් Thursday, 03 March 2016 07:19 PM
හොඳ වැ ඩක් අපි ඔක්කොමලා එකතුවෙලා බලන්න යමු ..නියමයි (රේ)
සේරම් Thursday, 03 March 2016 10:09 AM
හොද ප්‍රසංගයක්.(හේ)
අල්විස් පැරිස් Thursday, 03 March 2016 07:23 PM
සුබ අනාගතයක් ජයවේවා ..(රේ)
සමන් පැරිස් Thursday, 03 March 2016 07:18 PM
ඉ තා හොඳයි අපි කව්රුත් පවුලපිටින් එනවා ..(රේ)
අනුර පැරිස් Thursday, 03 March 2016 07:23 PM
පරණ සින්දු අහන්න අපි ආසයි අපි එනවා සින්දු අහන්න ..(රේ)
විජය පැරිස් Thursday, 03 March 2016 07:33 PM
අනිල් අයියගේ සින්දු වලට අපි ආසයි ..බලමුකෝ (රේ)
ජයන්ත Thursday, 03 March 2016 07:27 PM
කළා කරුවන් රකිනෙක හොදයි (රේ)
ජගත් Saturday, 05 March 2016 10:12 AM
කල්දේරා මල්ලී ඔයාට සුදුසු තනතුරක් නම් දැනට නැහැ .ඉස්සෙල්ලා අපේ එකමුතුවට බැදෙන්න .ඊට පස්සේ ඔය මොකක් හරි තනතුරක් හදලා ඔයාට දෙන්නම් .(කෞ)
මිලානෝ Wednesday, 02 March 2016 02:08 PM
ඉහත ලිපිය කියවද්දී පෙනී යන්නේ සංගීත කණ්ඩායම් කඩාගෙන පැන යාමේ ප්‍රවනතාවය ඉස්සර සිටම තිබු දෙයක් බවයි. (බ)
නිමල් පිරිස් Friday, 04 March 2016 07:28 AM
මේවා ඉතා හොඳ වැඩ. කවුරුත් උදවු කරමු (නි)
සුජිත් පැරිස් Friday, 04 March 2016 07:41 AM
මේවා දකිනකොට හිතට අමාරු අය ඉන්නවා ඇති. ඒ වුණාට අපි අපේ වැඩ හොඳට කරනවා (නි)
ගනේවත්ත Wednesday, 02 March 2016 03:02 PM
හොඳ වැඩක් වගේ අපිත් එනවා කලාකරුවන්ට උදවු කරන්න (බ) .
ජගත් පැරිස් Friday, 04 March 2016 07:38 AM
අපි දිගටම අපේ කලාකරුවන් රකිනවා. (නි)
අජිත් කල්දේරා පැරිසිය Wednesday, 02 March 2016 03:08 PM
ඔය එකමුතුවේ අපිට මොකවත් තනතුරක් නැද්ද ?එහෙම නම් මමත් එනවා (බ)
ජයලත් මිගමුව Friday, 04 March 2016 07:59 AM
පැරිස්වල කළා කරුවෙක් ලංකාවේ කළා කරුවෙක්, අපි සමගයි ඔබලා. අපිට උදවූ කරන්න එන්න. (ර)
රන්ජිත් Friday, 04 March 2016 08:12 AM
අපි හොද දෙයක් කරන්නේ කලා කරුවන්ට උදවු කරන එක අපිට උදවු කරන්න .. ප්‍රණාම (හේ)
අනිල් පැරිස් Friday, 04 March 2016 02:32 PM
පිරිසිදු චේතනා ගෙන දේ වාසනා, ඉතාමත් හොඳ ආරම්බයක් කියලා හිතුනා දායක වෙන අපිටත් දියත් කරන ඔබලාටත් ලොකු කුසල් කර්මයක් අරඹය වගේම නිමාවක් නොවෙන අවසානයකට දිගු අත්වෙලක් වේවා. ජගත් ඇතුළු ඔබ සැමට ජයවේවා, දිගු ගමනකට ආශීර්වාද. (ර)
විපුල Sunday, 06 March 2016 07:48 AM
අපිත් පුළුවන් නම් නෑවිත් ඉන්නෙ නැහැ (නි)
කුරේ පැරිස් Friday, 04 March 2016 03:48 PM
මේවා හරි හොද වැඩ කවුරුත් උදවු කරමු .(කෞ)
රන්ජිත් Friday, 04 March 2016 03:59 PM
මේ යන විදියට හෝල්ඒ ක ඉඩ ඇති වෙයිද අපිට බයයි (කෞ) .
සුජිත් පැරිස් Friday, 04 March 2016 03:53 PM
අපි දිගටම කළා කරුවන්ට උදවු කරනවා අපිට උදවු කරන්න (කෞ)
බණ්ඩාර පැරිස් Friday, 04 March 2016 04:02 PM
ඉතා හොද වැ ඩක් අපිත් එනවා ..(කෞ)
අනිල් පැරිස් Friday, 04 March 2016 05:23 PM
මුළු පැරිසියම හෙට අනිල් අයියා සහ ඉන්ද්‍රානි අක්කා බලන්න යනවා (නි)
නිර්මලා පැරිස් Friday, 04 March 2016 05:25 PM
අනිල් අයියේ, අපි එනවා ඔයාගේ සින්දු අසන්න (නි)
කිත්සිරි පැරිස් Friday, 04 March 2016 05:35 PM
ප්‍රණාම ඔබට! (නි)
මිහිර Friday, 04 March 2016 06:14 PM
ඇත්තෙන්ම අගය කළයුතු දෙයක් (නි)