පාකිස්ථානයේ අග්‍රාමාත්‍ය ඉම්රාන් ඛාන් ඉන්දියාව සහ පාකිස්ථානය සම්බන්ධ කෙරෙන කර්තාර්පූර් තීරයට මුල්ගල තැබුවේය.

මේ ඉදිකිරීම නිසා ඉන්දියානු සීක් වන්දනාකරුවන්ට වීසා නොමැතිව ගමන් කිරීමේ පහසුකම සැලසෙනු ඇත.මෙම ඉදිකිරීම මාස 6ක් ඇතුළත නිමකිරීමට අපේක්ෂා කරයි.

සීක්‌ ආගමික දර්ශනයේ නිර්මාතෘ ගුරු නානක්‌ගේ 550 වැනි උපන්දින සැමරුමට පෙර මෙම සංවර්ධන ව්‍යාපෘතිය අවසන් කිරීමට බලාපොරොත්තු වෙයි.

ඉන්දිය උප ජනාධිපති එම් වෙන්කයියා නයිදු සහ පන්ජාබ් ප්‍රධාන අමාත්‍ය අමරින්ඩර් සිං ඉන්දියාවේ පංජාබ් ප‍්‍රාන්තයේ ගුර්දාස්පූර් ප‍්‍රදේශයේ මාර්ගයකට සදුදා දිනයේදී මුල්ගල තැබූහ.

සීක් බැතිමත්හු දහස් ගණනක් ඉන්දියාවේ සිට වන්දනා කිරීමට පාකිස්ථානය පැමිණෙති.

ඉම්රාන් ඛාන් අගමැති ලෙස දිව්රුම් දීමෙන් පසු අගෝස්තු වල සිදුකළ සංචාරයේදී මෙම බැතිමතුන් මුහුණදෙන ගැටළුව පිළිබඳ අවදානය  යොමුකළේය.

වසර 20කට පසුව ඉන්දියාව කර්තාර්පූර් තීරය ඉදිකිරීමේ යෝජනාව ඉදිරිපත්කර ඇත.

කර්තාර්පූර් තීරයේ ඉදිකිරීම ආරම්භ කිරීමෙන් ඉන්දීය වන්දනාකරුවන්ට උදව් වනු ඇතැයි පාකිස්ථානය සහ ඉන්දියාව ගිය සතියේ  නිවේදනයක් නිකුත් කරමින් පැවසූහ.

කර්තාර්පූර්  පාකිස්ථාන - ඉන්දියානු දේශසීමාව ආසන්නයේ පිහිටා ඇති අතර, 1965 සහ 1971 අතර කාලයේදී දෙපිරිස අතර ගැටුම් කිහිපයක් ද ඇති වී තිබේ.

(63226 )