IMG-LOGO

ඇමෙරිකාව යන්නේ වැරදි පාරක

'කොවිඩ් 19' වසංගතය හමුවේ ඇමෙරිකාව වැරදි මාර්ගයකට යොමු වී ඇති බවත්, යළිත් වරක් 'කොවිඩ් 19' ආසාදිතයන් සහ මරණ වැඩිවනු ඇති බවත් ඇමෙරිකන් ජනාධිපති ජෝ බයිඩන්ගේ ප්‍රධාන උපදේශකවරයා මෙන්ම ඇමෙරිකා වසංගත රෝග පාලනය සහ වලක්වා ගැනීමේ මධ්‍යස්ථානයේ ප්‍රධානියා ද වන වෛද්‍ය ඇන්තනි ෆවුචි අනතුරු අඟවයි.

'කොවිඩ් 19' ආසාදිතයන් අතින් ඉදිරියෙන් පසුවන්නේ ඇමෙරිකාව වන නමුත්, එන්නත්කරණය වේගයෙන් සිදුවීමත්, නිසි සෞඛ්‍ය උපදෙස් පිළිපැදීමත් නිසා පසුගිය මාස කීපයේ ඇමෙරිකානුවන් අතරේ 'කොවිඩ් 19' ව්‍යාප්තිය පාලනය විය.

යළිත් වරක්, 'කොවිඩ් 19' ආසාදිතයන් ඉහළ යෑමට පටන්ගෙන ඇත්තේ සෞඛ්‍ය තහංචි ලිහිල් කිරීමත්, මුහුණු ආවරණ පැලදීම සහ සමාජ දුරස්ථභාවය සම්බන්ධයෙන් ජනතාව නොසැලකිලිමත් වීම නිසා යැයි ෆචුවි පැහැදිලි කර තිබේ. මේ වනවිට 'ඩෙල්ටා' විකෘතිය ඇමෙරිකාව පුරා ව්‍යාප්තවී ඇත.

'කොවිඩ් 19' සම්බන්ධයෙන් සෞඛ්‍ය අංශ පනවා ඇති තහංචි ලිහිල් කෙරුණත්, දිගටම මුහුණු ආවරණ පලඳින්න ඕනෑ. සමාජ දුරස්ථභාවය රැක ගන්න ඕනෑ.' යැයි වෛද්‍ය ඇන්තනි ෆවුචි ඇමෙරිකානුවන්ගෙන් ඉල්ලා ඇත.

මේ වනවිට ඇමෙරිකාවේ 18 වැඩි සියයට 70 කට 'කොවිඩ් 19' ප්‍රතිශක්තිකරණ එන්නත් ලැබී අවසන්ය. එසේ වූයේ බයිඩන් පරිපාලනය එන්නත්කරණ වැඩසටහන කඩිනම් කළ බැවිනි. සෞඛ්‍ය අංශ පෙන්වා දෙන ආකාරයට ඇමෙරිකාවේ කළු ජාතිකයෝ  බොහෝ දෙනෙක් තවමත් එන්නත් ලබා ගැනීමට මැලිකමක් දක්වති.

එන්නත් ලබා නොගත් ඇමෙරිකානුවන් නිසා එන්නත් ලබා ගත් ඇමෙරිකානුවන් ද අනතුරට පත්වනු ඇති බැවින්, කඩිනමින් එන්නත් ලබා ගන්නා මෙන් වෛද්‍ය ඇන්තනි ෆවුචි ඇමෙරිකානුවන්ගෙන් ඉල්ලා තිබේ. මේ වනවිට ඇමෙරිකාවෙන් ඩෙල්ටා වයිරස ආසාදිතයන් වාර්තා වීමට පටන්ගෙන ඇති බවත්, එසේ ඩෙල්ටා විකෘතිය ආසාදනය වී ඇති වැඩි දෙනා එන්නත් දෙකම ලබා ගත් ඇමෙරිකානුවන් බවත් ෆවුචි ඇමෙරිකානු වැසියන්ට පවසා ඇත.

ඇමෙරිකානුවන් වැඩි පිරිසකට ලබා දී ඇත්තේ 'ෆයිසර්' සහ 'මොඩර්නා' යන ඖෂධ නිෂ්පාදන සමාගම් නිපදවා ඇති 'කොවිඩ් 19' ප්‍රතිශක්තිකරණ එන්නත්ය. 'ෆයිසර්' සහ 'මොඩර්නා' ප්‍රධානීන් තරයේ පවසා ඇත්තේ 'ඩෙල්ටා' විකෘතිය අඩපණ කිරීමට තමන්ගේ එන්නත්වලට හැකියාව ඇති බවය.

(රොයිටර්)



අදහස් (0)

ඇමෙරිකාව යන්නේ වැරදි පාරක

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 40 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15511 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 526 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site