IMG-LOGO

ඇමෙරිකාව එක්සත් ජාතීන්ගේ ආරක්ෂක කවුන්සිලයේදී හුදෙකලා වෙයි

ගෝලාන් කඳුකරය ඊශ්‍රායලයේ කොටසක් ලෙස පිළිගැනීම නිසා ඇමෙරිකා එක්සත් ජනපදය එක්සත් ජාතීන්ගේ ආරක්ෂක කවුන්සිලයේදී හුදෙකලා විය. 

ඇමෙරිකාවේ තීරණය ආරක්ෂක කවුන්සිලයේ යෝජනා සහ නිර්දේශ ‘බරපතළ ලෙස උල්ලංඝනය’ කිරීමක් යැයි ආරක්ෂක කවුන්සිලයට ලිපියක් යොමු කරමින් සිරියාව සඳහන් කළේය. “ගෝලාන් කඳුකරය නැවත අත්පත් කරගැනීමේ සිරියානු ආණ්ඩුවේ සහ එරට ජනතාවගේ අරගලයට උපරිම සහාය දෙන බව” සිරියාවේ මිත්‍ර රටක් වන උතුරු කොරියාව නිවේදනයක් නිකුත් කරමින් සඳහන් කළේය. 

ඊශ්‍රායලය 1967 වසරේ පැවැති මැද පෙරදිග යුද්ධයේදී ගෝලාන් කඳුකරය අල්ලා ගත් අතර 1981 දී තම ග්‍රහණයට නතු කරගත්තේය. එක්සත් ජාතීන්ගේ ආරක්ෂක කවුන්සිලය ඊශ්‍රායලයේ එම ක්‍රියාව “ශූන්‍ය සහ හිස (බලරහිත) සහ කිසිදු ජාත්‍යන්තර නෛතික බලපෑමකින්” තොර ක්‍රියාවක් ලෙස නම් කළේය. 

ඇමෙරිකාව ගෝලාන් කඳුකරය ඊශ්‍රායලයේ කොටසක් ලෙස පිළිගැනීමෙන් ඇමෙරිකාව 1981 යෝජනාව උල්ලංඝනය කර ඇතැයි ආරක්සක කවුන්සිලයේදී අදහස් දක්වමින් එක්සත් ජාතීන්ගේ බ්‍රිතාන්‍ය තානාපතිනි කැරන් පියර්ස් කීවාය. ඇමෙරිකා එක්සත් ජනපදය එක්සත් ජාතීන්ගේ යෝජනා උල්ලංඝනය කර ඇතැයි මේ හේතුවෙන් මැදපෙරදිග කලාපයේ අස්ථාවරභාවයක් ඇතිවිය හැකි යැයි ද ආරක්ෂක කවුන්සිලයේ සිය අදහස් පළ කරමින් එක්සත් ජාතීන්ගේ රුසියානු නියෝජ්‍ය තානාපතිනි ව්ලැදිමීර් සැෆ්රොන්කොව් අනතුරු ඇඟවීය. 

ගෝලාන් කඳුකරය ඊශ්‍රායලයේ කොටසක් ලෙස පිළිගැනීමත් නීතිවිරෝධී ලෙස ගෝලාන් කඳුකරය ග්‍රහණය කරගැනීම සාධාරණීය කිරීමත් යන කරුණු නිසා දරුණු ප්‍රතිවිපාක විශේෂයෙන්ම මැදපෙරදිග කලාපයට දරුණු ප්‍රතිවිපාක අත්විඳීමට සිදුවනු ඇතැයි එක්සත් ජාතීන්ගේ මානව හිමිකම් කවුන්සිලයේ යුරෝපීය සාමාජිකයන් වන ප්‍රංශය, බ්‍රිතාන්‍යය, ජර්මනිය, බෙල්ජියම සහ පෝලන්තය යන රටවල් සිය සැලකිල්ල යොමු කළේය.

ඊශ්‍රායල අගමැති බෙන්ජමින් නෙදන්යාහු ඇමෙරිකාවේ සංචාරය යෙදුණු අතර ඔහු සහ ඇමෙරිකා ජනාධිපති ඩොනල්ඞ් ට්‍රම්ප් ගෝලාන් කඳුකරය ඊශ්‍රායලයේ කොටසක් ලෙස පිළිගනිමින් ගිවිසුමකට අත්සන් තැබූහ. 

සිරියානු දූත පිරිස එවන ලිපිය නින්දාශීලි සහ නුරුස්සනා එකක් බව එක්සත් ජාතීන්ගේ ජර්මානු තානාපති ක්‍රිස්ටෝෆ් හයස්ගන් පැවැසීය. 

“පසුගිය වසර අටක කාලයේදී සිරියානු ආණ්ඩුව බරපතළ ලෙස ජාත්‍යන්තර නීති කඩකළා, යුද්ධයේ නීති කඩකළා. ඔවුන්ට එරෙහිව යුද අපරාධ තිබෙනවා. ඔවුන්ට එරෙහිව මනුෂ්‍යත්වයට එරෙහිව කරන ලද අපරාධ චෝදනා තිබෙනවා” යැයි සිරියානු සිවිල් යුද්ධය සම්බන්ධයෙන් අදහස් දක්වමින් හෙතෙම කීය.  

ඇමෙරිකාව ගන්නා ලද තීරණය අවිනිශ්චිත බව ඉවත් කරමින් ඊශ්‍රායල-පලස්තීන අර්බුදය විසඳීමට උපකාරී වන බව ඇමෙරිකා එක්සත් ජනපද රාජ්‍ය ලේකම් මයික් පොම්පෙඕ කීය.

ඇමෙරිකාවේ තීරණය සෞදි අරාබිය, එක්සත් අරාබී එමීර් රාජ්‍යය, කටාරය, බහ්රේන් සහ කුවෙට් යන මැදපෙරදිග රටවල විවේචනයට ලක්වූ අතර තවත් මැදපෙරදිග රටක් වන ඉරානය එහිදි ඇමෙරිකාවට දොස් කීය. 

රොයිටර් ඇසුරිනි

055

 



අදහස් (0)

ඇමෙරිකාව එක්සත් ජාතීන්ගේ ආරක්ෂක කවුන්සිලයේදී හුදෙකලා වෙයි

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 36 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15498 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 526 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site