එක්සත් ජාතීන්ගේ මහා මණ්ඩල සැසිවාරයේදී, නිරීක්ෂණ රාජ්‍යයක් ලෙස උසස් වීමට පලස්තීනයට හැකියාව ලැබීමට විරෝධය පළ කරමින්, පලස්තීනයට අයත් බිම් ප‍්‍රදේශවල ජනාවාස ඉදිකිරීමටත්, පලස්තීනයට ලබා දෙන මුදල් ආධාර නැවැත්වීමටත් ඊශ‍්‍රායලය කටයුතු කිරීම ඇමෙරිකාවේත් යුරෝපා රටවලත් විරෝධයට හේතු වී තිබේ. යුරෝපා රටවලට වඩා ඇමෙරිකාව ඊශ‍්‍රායලයේ සමීපතම මිතුරාය. ඊශ‍්‍රායලය ඇමෙරිකාවේ රූකඩයක් යැයි ද පැවැසෙයි. එසේ වුවත් ඇමෙරිකාව මෙසේ විරෝධය පළ කිරීම දේශපාලන විචාරකයන්ගේ පැසැසුමට ලක් වී ඇත. මේ වනවිට පලස්තීනයට එරෙහිව ඊශ‍්‍රායලය ගත් තීරණයට විරෝධය පාමින් ඊශ‍්‍රායලයේ සිටින තම තානාපතිවරුන් යළි ගෙන්වා ගැනීම කෙරෙහි සැළකිල්ලට ගන්නවා යැයි ද බි‍්‍රතාන්‍යයත් ප‍්‍රංශයත් නිවේදනය කර තිබේ. ඊශ‍්‍රායලය නිවේදනය කර ඇත්තේ ඔවුන් නිවාස 1,600 ක් ඉදිකිරීමට බලාපොරොත්තු වන බවය.