අය වැය අනුමත නොවීමෙන් අකි‍්‍රය වුණු ඇමෙරිකා කොංග්‍රසය යළි සකි‍්‍රය කිරීමේ පණතකට ඇමරිකාවේ සෙනට් සභාවේ අනුමැතිය හිමිව ඇත.

පනතට අනුමැතිය හිමිවූයේ 17 වැනිදාට එළි වීමට පැය කිහිපයක් තිබියදීය.17 වැනිදාට ප‍්‍රථමයෙන් රජය සකි‍්‍රය කර ගැනීමට බළධාරීන් අපොහොසත් වුවහොත් ඇමරිකා ආර්ථිකය යළි ගොඩගත නොහැකි සේ කඩා වැටෙනු ඇතැයි ඇමරිකා මහා භාණ්ඩාගාරය අනතුරු අගවා තිබුණි.

සම්මත කර ගැනීමට මෙම පණත පාර්ලිමේනතු සභිකයින්ගේ ඡන්ද විමසීමකටද ලක් කර ඇති අතර එහිදී ඡුන්ද 285 කට 144 ක් ලෙස එය සම්මත කර ගැනීමට ඔබාමා රජය සමත්ව තිබේ.

පණත සම්පාදනය කිරීමට කටයුතු කර ඇත්තේ සෙනට් සභාවේ පාලක ඩිමොක‍්‍රටික් පක්ෂය නියෝජනය කරන නායක හැරී රීඞ් හා විපක්ෂ රිපබ්ලිකන් පක්ෂය නියෝජනය කරන නායක මිච් මැක්කොනෙල් වීම විශේෂ කරුණකි.භේද අමතක කර ඇමරිකාව මේ මොහොතේ සිටින තත්ත්වයෙන් මුදා ගැනීමට එක්ව කටයුතු කිරීමට තීරණය කළ බව ඔවුන් දෙපළ කියයි.

පණතින් ඩිමොක‍්‍රටික් හා රිපබ්ලිකන් පක්ෂ පොදු එකගතාවකට පැමිණ තිබෙන අතර එහි ඇමරිකාවේ ණය ගැනීමේ සීමාව ඉහළ දැමිමත් අයවැය ගැටළු වලට එළැඹෙන දෙසැම්බර් මස 13 වනදා වන විටදී පිළිතුරු සොයා ගැනීමත් වැනි කරුණුත් සදහන් වේ.

අයවැය ගැටළුවට මෙම පණත තාවකාලික විසදුමක් පමණක් වන අතර පණත වලංගු වන්නේ 2014 වසරේ ජනවාරි මස 15 වැනිදා දක්වා පමණි.

අයවැයේ ඇතැම් කරණු වලට එකඟතාව පළ නොවීම නිසා ඔබාමා රජයේ අයවැයට ඇමරිකා සෙනට් මණ්ඩලයේ අනුමැතිය හිමි වූයේ නැත.මෙනිසා මුළු රාජ්‍ය සේවා පද්ධතියම අකි‍්‍රය වූ අතර ආර්ථික විශේෂඥයන් බිය පළ කළේ ඇමරිකාව ඉක්මනින් කි‍්‍රයාකාරී තත්ත්වයට පත්වීමට අපොහොසත් වන්නේ නම් එය තවත් ලෝක ආර්ථික අර්බුධයක ආරම්භය වනු ඇති බවය.

 

අයවැයට අනුමැතිය හිමිනොවිම නිසා රජයේ පෙරළීමට හැකියැයි යැයි විපක්ෂ රිපබ්ලිකන් පාක්ෂිකයින් උදම් ඇනුවත් රට ආගාධයට තල්ලූ වෙමින් තිබීම නිසා වෙන කරන්නට දෙයක් නොහැකිව රජය සමග මෙසේ එකඟතාවයකට පැමිණ ඇති බවක් දැකගන්නට ඇත.

නමුත් ප‍්‍රාදේශීය රිපබ්ලිකන් පාක්ෂිකයින් නම් පාර්ලිමේන්තුවේ හා සෙනට් මණ්ඩලයේ සිටින තම සගයන්ගේ කි‍්‍රයාකලාපය ගැන එතරම් පැහැදීමක් නොමැත.ගැටුමින් දිනීමට අවස්ථාව තිබියදී තම සගයින් එය අත්හැර දමා ඇතැයි ඔවුන්ගේ අදහසයි.

පක්ෂ විපක්ෂ එකගතාවය නිසා පැලැස්තර විසදුමකින් හෝ ඇමරිකා රජය හා රාජ්‍ය සේවා පද්දතිය යළිත් කි‍්‍රයාත්මක වනු ඇත.