පලස්තීනය ස්වාධීන රාජ්යයක් ලෙස ප්රකාශ කරන්නැයි පලස්තීන ජනාධිපති මොහොමඞ් අබ්බාස් එක්සත් ජාතීන්ගේ මහා මණ්ඩලයට ඉදිරිපත් කළ ඉල්ලූම්පත සම්බන්ධයෙන් තීරණයක් ගැනීමට එක්සත් ජාතීන්ගේ ආරක්ෂක මණ්ඩලය අද (26) ඇමෙරිකාවේ නිව්යෝක් නුවරදී රැස්වීමට නියමිතය. එක්සත් ජාතීන්ගේ ආරක්ෂක මණ්ඩලය, නිත්ය සාමාජිකයන් පස් දෙනකුගෙන් සහ නිත්ය නොවන සාමාජිකයන් දස දෙනකුගෙන් සමන්විතය. පලස්තීන ජනාධිපති අබ්බාස්ගේ එම ඉල්ලීමට අනුමැතිය හිමිවීමට නම් ආරක්ෂක මණ්ඩලයේ සාමාජිකයන් නව දෙනකුගේ සහාය හිමිවිය යුතුවේ. පලස්තීන ජනාධිපතිවරයා කරන ඉල්ලීමට මුල සිටම ඇමෙරිකාව සහ ඊශ්රායලය දැඩි ලෙස විරෝධය පළ කළේය. පසුගිය 21 වැනිදා ඇමෙරිකා ජනාධිපති බැරැුක් ඔබාමා මහා මණ්ඩලය ඇමැතූ අවස්ථාවේදී ප්රකාශ කළේ මැද පෙරදිග සාමය උදාකිරීම සඳහා ‘පහසු කෙටි ක්රම’ නැති බවය. ජනාධිපති ඔබාමා සිය දේශනයේදී පලස්තීන ජනාධිපතිගෙන් ඉල්ලා සිටියේ එම ඉල්ලීම ඉවත් කර ගන්නා ලෙසටය. පලස්තීන ජනපතිවරයාගේ යෝජනාවලිය එක්සත් ජාතීන්ගේ ආරක්ෂක මණ්ඩලය හමුවට ඉදිරිපත් කළහොත් නිෂේධ බලය යොදා එය පරාජය කරන බව ද ඇමෙරිකා ජනාධිපතිවරයා අනතුරු ඇඟවූයේය. ජනපති ඔබාමා, මහා මණ්ඩලය අමතා කළ එම දේශනයට බොහෝ දෙනාගේ විවේචන එල්ල වෙමින් පවතී. ජනපති ඔබාමා, පලස්තීන ජනපතිවරයාගේ යෝජනා වලියට විරුද්ධව කටයුතු කරන්නේ 2012 පැවැත්වෙන ඇමෙරිකා ජනාධිපතිවරණය නිසා යැයි ඇතැම් දේශපාලන විචාරකයෝ පවසති. 2012 ජනපතිවරණයට ජනාධිපති ඔබාමා ද තරඟ කරන අතර ඔහුට ඇමෙරිකාවේ ජීවත් වන යුදෙව් ජනතාවගේ ඡුන්ද ලබා ගැනීමේ අරමුණ ඇතිව ඊශ්රායලයට සහාය පළ කරමින් පලස්තීන ජනපතිවරයාගේ යෝජනාවලියට විරෝධය දක්වන බවට දේශපාලන විචාරකයෝ චෝදනා කරති. ඔබාමාගේ ‘මැද පෙරදිග සාම ප්රයත්නය’ ඇමෙරිකා ජනතාවගේ මෙන්ම එරට විපක්ෂ දේශපාලන කණ්ඩායම වන රිපබ්ලිකන් පාක්ෂිකයන්ගේද අප්රසාදයට හේතු වී ඇත. එය දේශපාලන අර්බුදයක් තෙක් දුරදිග යෑමේ ඉඩක් ඇතැයි ඇතැම්හු පවසති. මේ අතර ඊශ්රායල නායක අගමැති බෙන්ජමින් නෙදන්යාහු පලස්තීන ජනාධිපති අබ්බාස්ගෙන් ඉල්ලීමක් කර ඇත්තේ මුහුණට මුහුණ හමුවී සාකච්ඡා පැවැත්වීමට තමන් සූදානමින් සිටින බවය.
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පලස්තීනයට ස්වාධීන රාජ්යයක්: යෝජනාව එ.ජා. ආරක්ෂක මණ්ඩලයට