IMG-LOGO

2024 ජුලි මස 15 වන සඳුදා


රතට පෙම් බඳින කත

ලෝකෙන් ටිකක්   

 

 

බොස්නියාවේ ජීවත් වෙන සොරිකා රෙබර්නික් 67 වියැති කාන්තාවකි. මෙම කාන්තාව රතු හා රෝස පාටවලට පෙම්බඳින්නියකි. දශක හතරකටත් වැඩි කාලයක් තිස්සේ ඇගේ ජීවිතය ගතවී තිබෙන්නේ මෙම වර්ණ සමඟ ය. ඇඳුම් පැලඳුම්, ආභරණ, පාවහන්, බෑග් ආදී පුද්ගලික දේවල් පමණක් නොව ඇය හා සැමියා ආහාර ගන්නා හැඳි ගෑරුප්පු, පිඟන් ආදියත්, ඔවුන් නිදන ඇඳෙහි ඇතිරිලි ආදී ගෙදර දොර භාවිත කරන හැම භාණ්ඩයක්මත් රතු පැහැතියි. නිවසේ සුදු පැහැය බිත්ති, එල්ලා තිබෙන චිත්‍රයක් දෙකක් හා ගෘහභාණ්ඩ මෙන්ම නිවස තුළ වවා ඇති මල් පැළවල කොළ පාට හැරුණු විට, සැරසිලි සියල්ලම රතු, තද රෝස හා රතු පැහැයේ නොයෙක් තානයන්ගෙන් යුක්තය. 

 
රතු හා රෝස උමතුව කොතෙක් දුර ගිය එකක් දැයි පෙනෙන්නේ මියගිය පසු භූමදානය කිරීම සඳහා ඇයටත්, සැමියාටත් ඉන්දියාවෙන් ආනයනය කළ රතු පැහැ පාෂාණයකින් සොහොනක් ද තනවා තිබීමෙනි. මිනී පිට්ටනියේ තිබෙන සොහොන නැරඹීමට ද ඇය නිතර යන්නී ය.   


ඇය විවාහ වී තිබෙන්නේ ද රතු පැහැ ගවුමක් ඇඳගෙනයි. ඇය මළ ගෙවල්වලට යන්නේ ද රතු පැහැයෙන් සැරසීගෙන ය. ඇගේ කෙස්වැටිය ද තද රෝස පැහැයෙන් වර්ණ ගන්වා ඇත.   


සොරිකා විශ්‍රාමික ගුරුවරියකි. රතු උමතුව ගැන ඇය මෙසේ කියන්නීය.   


“එතකොට මට අවුරුදු 18ක් හෝ 19ක් විතර ඇති. මට එකපාරටම දැඩි අවශ්‍යතාවක් ඇතිවුණා රතු පාට අඳින්න. මගේ ගෙදර සැරසිල්ලකවත් වෙන පාටක තිතක් වත් නෑ.”   
ඇය කියන්නේ ස්කාලට් හා වර්මිලියන් යන රතු පැහැයේ ප්‍රභේද ඇඳ සිටීමෙන් තමන්ට බලය හා ශක්තිය ගැන අපූරු හැඟීමක් ඇති වෙන බවයි. හිසේ සිට පාදාන්තය තෙක් රතු හා රෝස පැහැයෙන් සැරසී සිටින මෙම කාන්තාව ඇගේ ගම් ප්‍රදේශයේ නිළියක බඳු ප්‍රසිද්ධියක් උසුලයි. ඇය යනෙන ගමන් බිමන්වල දී ඈට නොයෙක් තෑගි බෝග ලැබේ.   
“මාව දැක්ක හැටියේ මිනිස්සු අඳුරගන්නවා. ඒ අය මට තෑගිත් දෙනවා. ඒ ඔක්කොම හැබැයි රතු පාට. වෙන පාටවල තෑගි දුන්නොත්, ඒවා මොනතරම් වටිනවා වුණත් මම ගන්නේ නෑ.”   


ඇයට තිබෙන එකම ප්‍රශ්නය නම්, ඇගේ විලාසිතා අගය කිරීමට සැමියාට තිබෙන නොහැකියාවයි.   


“අනේ මන්දා මට නම් ඇගේ ඇඳුම්වල වෙනසක් පේන්නේ නෑ. ඇය හැමදාම එකම වගෙයි. ඇඳුනුත් එක වගේ.”   


වර්ණවලින් මනසට හා හැඟීම්වලට බලපෑමක් වෙන බව ඇත්තයි. රතු කියන්නේ වර්ණ අතර තිබෙන ප්‍රබලම වර්ණයකි. ආදරය, ශක්තිය, ධෛර්යය, කෝපය, අනතුරුදායක බව හා බලය වැනි ප්‍රබල හැඟීම් සංකේතවත් කිරීමට ද රතු පැහැය බෙහෙවින් යොදා ගැනේ. රතු වර්ණය අවධානය දිනා ගන්නා අතර මනස උත්තේජනය කරයි. ආහාර වෙළෙඳාමට, ක්‍රීඩා දැන්වීම්කරණයට හා කුඩා දරුවන්ගේ සෙල්ලම් බඩු සඳහා රතු පැහැය බහුලව භාවිත කරයි.   

 

 

 



අදහස් (0)

රතට පෙම් බඳින කත

ඔබේ අදහස් එවන්න

රසවිත

අනේ පොඩි නැන්දා මට හුඟක් දවස් කාමරේ ඇතුළෙ ඉන්න වෙයිද?
2022 මාර්තු මස 26 11173 0

හීන් නෝනා දියණිය දෙස බැලු‍වේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය


යෙලෝ බීට්ස් කියන්නේ කවුද ?
2022 මාර්තු මස 26 6297 0

මෙවර U Tube ලෝකය තුළින් ඉරිදා ලංකාදීපයෙන් කතාබහ කරන්න හිතුවේ සමාජ මාද්‍ය ඔස්සේ අතිශය ජනප්‍රිය Girls Voice Band එකක් පිළිබඳව. ඒ Yellow Beats කණ්ඩායම කුෂිනි ප්‍රවින්ද්‍යා, දි


පුරාණ රජ කාලේ වීදුරු හැදූ ‘පබුලුගම’
2022 මාර්තු මස 26 6110 0

ශ්‍රී ලංකාවේ පබලු භාවිතය පිළිබඳ පුරාණතම සාධක අයත් ​ෙවන්නේ ප්‍රාග් ඓතිහාසික යුගයටය. ක්‍රි.පූ. (900-600) අතර මුල් යුගයේදී ජනතාව පබලු භාවිතය සුලබව සිදුකොට ඇති


වෘන්දා වනයේ පෙම්මල් විසිරේ...
2022 මාර්තු මස 26 5539 0

හින්දු පුරාණයට අනුව විෂ්ණු දෙවි යනු ලොව සුරකින්නාය. ලෝකයේ තිර පැවැත්ම පිණිසත්, ධර්මය රැකීමටත්, අදමිටුවන් විනාශ කිරීමටත් වරින්වර විෂ්ණු ලොව පහළවන බව මහ


බිම් බෝම්බය පිපිරෙද්දී ගෙදරට පණිවිඩයක් දුන් ව්‍යාපාරිකයා
2022 මාර්තු මස 26 3381 0

මසින් ලෙයින් නිර්මිත මසැසට භෞතික ලෝකයේ බොහෝ සංසිද්ධි දැක ගත හැකි වුවත් ඉන් එහා ඇති අවිඥාණික දේ පෙනෙන්නේ නැත. භූගත පෘෂ්ඨ වංශික ඇතැම් සතුන් හැරුණු විට සෙ


නූතන ශාසන ප්‍රබෝධයේ ශාස්ත්‍රවන්තයා සිටිනාමළුවේ මහ තෙරිඳු
2022 මාර්තු මස 26 1799 0

සිත්තම්ගල ගල් ලෙන බලන්නට මී ආතා “බරින්දු” එක්ක ගෙන ගියේ ගැල් කරත්තයෙන්ය. “අපේ ‍රැහේ උන් තමයි දරුවෝ මෙතන නැණපිල පටන් ගෙන සාහිත රස බෙදුවේ.” එදා මී ආතා කී ක


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 66 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 918 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1802 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site