IMG-LOGO

2025 නොවැම්බර් මස 29 වන සෙනසුරාදා


ප්‍රථම පුරාවිද්‍යා කොමසාරිස් බෙල් මහතාගේ අමතකවීම

අගක් මුලක් නැති කතා

 

පුරාවිද්‍යා කොමසාරිස් එච්.සී.පී. බෙල් මහතා 1891 ජූනි 29 වැනිද‌ා මහනුවර දළද‌ා මාලිගාවේ පත්තිරිප්පුවේ පිහිටුවා තිබූ ප්‍රාචීන පුස්තකාලයට ගොඩවැදී ඇත්තේ පොත්පත් කියවා තොරතුරු ලබාගැනීමේ අරමුණෙනි. එහි තිබූ ඉංග්‍රීසියෙන් ලියැවුණු පොතක් කියවා පොතේ තිබූ කරුණු කිහිපයක් පෑනක් ගෙන ​කොළ කිහිපයක සටහන් කර ඇත්තේ විශේෂ අවශ්‍යතාවක් වෙනුවෙනි. තොරතුරු කොළවල සටහන් කර ගැනීමෙන් පසුව ඔහු පුස්තකාලයෙන් පිටව ගොස් ඇත.  


පුස්තකාලයෙන් පිටවී යාමෙන් පසු අවස්ථාවක තමා සටහන් තැබූ කොළ කොහිදැයි යන්න පිළිබඳව ඔහු සොයා බලන්නට ඇත. එහෙත් ඒ සටහන් තැබූ කොළ ඔහුට කිසිද‌ා සොයා ගන්නට හැකියාවක් ලැබී නැත. එම සටහන් තැබූ කොළවලට සිදුවූ දේ වසර 127ක් යනතුරු රහසක් වශයෙන් පැවතී ඇත.  


මහනුවර දළද‌ා මාලිගාවේ ප්‍රාචීන පුස්තකාලයේ වර්තමාන පුස්තකාලයාධිපති ලෙස ක්‍රියා කරන්නේ එස්. එම්. අජන්ත කුමාර සමරකෝන් මහතාය. බෙල් මහතා ලියූ සටහන්වලට සිදුවූ දේ පිළිබඳව ඔහු පවසන්නේ මෙවන් කතාවක්.  


මේ පුස්තකාලයේ පුස්කොළ හා මුද්‍රිත පොත්පත් විශාල ප්‍රමාණයක් තියෙනවා. පොත්පත් කෘමි සතුන්ගෙන් බේරාගන්ට විටින් විට පොත්පත්වලට බෙහෙත් යොදනවා. ඒ සඳහා පොත්පත් අල්මාරිවලින් එළියට ගන්නවා. එක් දවසක් බෙහෙත් යෙදීම සඳහා පැරණි ඉංග්‍රීසි පොතක් ගෙන එහි පිටු පෙරළුවා. ඒ පොතේ පිටු අතරේ සටහන් තිබූ කොළ වගයක් තිබුණා. ඉංග්‍රීසි අත්අකුරින් ලියා තිබූ ඒ සටහන් මම හෙමින් හෙමින් කියෙව්වා.  


මේ ඉංග්‍රීසි පොතෙන් උපුටාගෙන සටහන් කළ දේවල් තමයි එහි තිබුණේ. සටහනේ අග ලියූ කෙනා අත්සන යොද‌ා දිනයක් යොද‌ා තිබුණා. පුරා විද්‍යා කොමසාරිස් එච්.සී.පී. බෙල් (H.C.P. Bell) මහතාගේ අත්සනයි එහි තිබෙන්නේ. 1891 ජුනි 29 දිනය වශයෙන් යොද‌ා තිබෙනවා. බෙල් මහතා ඉංග්‍රීසි පොත කියෙව්වට පස්සේ අවුරුදු 127ක් යනතුරු කවුරුත් ඒක පෙරළලා නෑ. මම තමයි අවුරුදු 127 කට පස්සේ ඒ පොතේ පිටු පෙරළැව්වේ. බෙල් මහතාට අමතක වී දමා ගිය සටහන් තමයි එහි තිබුණේ.  

 

සටහන් ලියූ කොළ තිබුණේ මේ පිටු දෙක අතරය  

 

අජන්ත සමරකෝන්  

 

 

 

 


සටහන හා ඡායාරූප  
හුන්නස්ගිරියේ පාලිත මඩුගල්ලේ   



අදහස් (0)

ප්‍රථම පුරාවිද්‍යා කොමසාරිස් බෙල් මහතාගේ අමතකවීම

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 203 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 262 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1164 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site