(හිරාන් ප්‍රියංකර ජයසිංහ) 
 
මහකුඹුක්කඩවල ගම්මාන ගණනාවක ජනතාව භිතියට පත් කරමින් ජීවිතයක් වැනසු, ප්‍රදේශවාසීන් ‘කන් සිදුරා‘ නමින් හදුන්වන සද්ධන්තයා වන ජීවි නිලධාරීන් විසින් අල්ලාගෙන අද ( 24)  හොරොව්පතාන අලි සුරැකුම් මධ්‍යස්ථානයට බාර දීමට කටයුතු කළේය.
 
පවතින දැඩි වර්ෂාව මැද වනජීවි පශු වෛද්‍යවරුන් හා වනජීවි නිලධාරීන් දින කිපයක මෙහෙයුමකින් පසුව මෙම සද්ධන්තයා අල්ලා ගැණිනි.
 
වයස අවුරුදු 45 ක් පමණ  වන මෙම  වන අලියා අඩි නවයක පමණ  උසකින් යුක්ත වන අතර  මහකුඹුක්කඩවල ප්‍රාදේශීය ලේකම් බල ප්‍රදේශයේ ගම්මාන රැසක ජනතාව භිතියට පත් කරමින්  සැරිසාරා ඇතැයි කියයි.
 
අලියාගේ  සිරුර පුරා  වෙඩි පහරවල් රැසක් දකින්නට ලැබුණු අතර  කන්වල දැවැන්ත වෙඩි පහරවල් රැසක් තිබීම හේතුවෙන්  මෙම  අලියා කන් සිදුරා නමින් හදුන්වන බව කියයි.