(රංජිත් රාජපක්ෂ)          
            
බලපත්‍ර නොමැතිව අනවසරෙන් මැණික් ගැරූ පුද්ගලයන් අටදෙනෙකු අද (29) අත්අඩංගුවට ගත් බව බගවන්තලාව පොලිසිය පවසයි.
 
මහඑලිය රක්ෂිතයේ සිට කාසල්රි ජලාශය දක්වා ප්‍රධාන වශයෙන් ජලය ගලා බසිනා කෙසෙල්ගමුඔයේ බගවන්තලාව ලොයිනොල් වත්ත ප්‍රදේශයේ අනවසරෙන් මැණික් ගැරූ 6 දෙනෙකු සහ  සහ බගවන්තලාව බ්‍රිඩ්වෙල් වතුයායේ තේ වත්තේ මැණික් ගැරූ සැකකරුවන් දෙදෙනෙකු මෙසේ සැකපිට අත්අඩංගුවට ගෙන ඇත.
 
අත්අඩංගුවට ගත් සැකකරුවෝ බගවන්තලාව ප්‍රදේශයේම පදිංචිකරුවෝ වෙති.
 
සැකකරුවන් මැණික් ගැරීමට උපයෝගී කරගත් උපකරණ රැසක්, මැණික් ඉල්ලම් සහිත පස් තොගයක්ද පොලිසිය භාරයට ගත් බව පොලිසිය කියයි.
 
අත්අඩංගුවට ගත් සැකකරුවන් පොලිස් ඇප මත මුදා හැර ඇති අතර ඔවුන්ට එරෙහිව ලබන මස 3 දින හැටන් මහෙස්ත්‍රාත් අධිකරණය හමුවේ නෛතික පියවර ගැනීමට කටයුතු කරන බවද බගවන්තලාව පොලිසිය වැඩිදුරටත් කියයි.