2023 පෙබරවාරි මස 08 වන බදාදා
(ජයන්ත සමරකෝන්)
නළ ළිඳකින් ජලය ලබාගන්නා බව පෙන්වමින් භූගත ජල ටැංකියක් මගින් වසර 15ක් තිස්සේ හොරෙන් ජලය ලබාගත් ව්‍යාපාරිකයකුට මාළිඟාකන්ද මහේස්ත්‍රාත් කෝසල සේනාධීර මහතා විසින් රුපියල් 5000ක දඩයක්ද, මණ්ඩලයේ දඩමුදල ද ගෙවීමට නියම කර තිබේ.
මෙසේ දඩ නියමවූයේ පංචිකාවත්තේ වාහන අමතරකොටස් ව්‍යාපාරිකයෙකු වන මනෝහරන් සුන්දරලිංගම් නැමැත්තෙකුටය.
මෙහිදී එම ව්‍යාපාරිකයාට පළමුව රුපියල් ලක්ෂ 4ක දඩ මුදලක් නිම කර ඇති අතර ඒ පිළිබඳව එකඟතාවයකට නොපැමිණීම නිසා අධිකරණයට කරුණු වාර්තා කිරීමෙන් පසු මහේස්ත්‍රාත්වරයා විසින් රුපියල් 5,000ක දඩමුදල නියමකර ඇත.
කොළඹ අනවසර ජල වැටලීම් අංශය හා මරදාන පොලිසිය එම වැටලීම කර ඇත.
