ජුඩ් සමන්ත 
 
උඩප්පුව නගරයේ ත්‍රී රෝද රථ අමතර කොටස් අලවි සැළක් පවත්වා ගෙන ගිය ව්‍යාපාරිකයෙකුගේ බව කියන පිළිස්සුණු මළ සිරුරක් අතහැර දමන ලද ගල් මෝලක් අසල තිබී හමුවී ඇති බව උඩප්පුව පොලීසිය කියයි.
 
මිය ගොස් ඇත්තේ උඩප්පුව - කොට්ඨාස අංක 04 පදිංචිව සිටි පෙරියවෙල්ලායන් ආරුමුගන් (අවු:36) නම් අයෙකු බවට හඳුනාගෙන ඇත. අද  වැනිදා දහවල් පොලිස් හදිසි ඇමතුම් අංශයට ලද තොරතුක් මත මෙම මළ සිරුර සොයා ගෙන තිබේ. කීරියන්කල්ලිය - ආඩිගම මාර්ගයේ පිහිටි අතහැර දමන ලද ගල් මෝලක් අසල මළ සිරුර තිබී ඇත.
 
මිය ගොස් ඇති අය ඉරිදා (29) පෙරවරු 10.00 පමණ සිට අතුරුදහන්වී ඇති බව ඔහුගේ සහෝදරයෙකු වන වසන්තන් කුමාරන්   උඩප්පුව පොලීසියට පැමිණිල්ලක් කර ඇත.

(ඡායාරූප හිරාන් ප්‍රියංකර)