IMG-LOGO

2024 අප්‍රේල් මස 21 වන ඉරිදා


‘කෙළින් වැඩ කරන්න තුනෙන් දෙක දෙන්න‘

(*** නාලක සංජීව දහනායක)

වෙනත් දේශපාලන පක්‍ෂවල ප්‍රාණ ඇපකරුවන් බවට පත්නොවී ඍජුව කටයුතු කිරීම සඳහා තම පක්‍ෂයට පාර්ලිමේන්තුවේ තුනෙන් දෙකක බහුතර බලයක් ලබාදෙන ලෙසට ජනතාවගෙන් ඉල්ලීමක් කරන බව ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්‍ෂ මහතා පෙරේදා (8) පැවැසීය.

ශක්තිමත් ආණ්ඩුවක් පිහිටුවා නතරව ඇති තැනින් රට ඉදිරියට ගෙනයාමට කටයුතු කරන බවද ඔහු කීය.

බත්තරමුල්ල, නෙළුම් මාවතේ පිහිටි ශ්‍රී ලංකා පොදුජන පෙරමුණු ප්‍රධාන කාර්යාලයේදී පෙරේදා (8) පැවැති මාධ්‍ය හමුවකට එක්වෙමින් හෙතෙම මේ බව සදහන් කළේය.

බැසිල් රාජපක්‍ෂ මහතා මෙසේද පැවැසීය.

ජනාධිපතිවරයා  පාර්ලිමේන්තුව විසුරුවා හරින අවස්ථාවේදී කොරෝනා වයිරසය එතරම් ව්‍යාප්තව තිබුණේ නැහැ. නමුත් නාම යෝජනා ලබාගන්නා අවස්ථාව වනවිට ලංකාවේ අපේ රටේ වගේම ලෝකයේ සෙසු රටවලත් කොරෝනා වයිරසය ව්‍යාප්තව තිබුණා. ඒ නිසා මැතිවරණ කොමිසම දින නියමයකින් තොරව මහ මැතිවරණය කල්දැම්මා. දේශපාලනිකව කටයුතු කරනවාද එහෙමත් නැත්නම් කොරෝනා වයිරසයෙන් රටත් ජනතාවත් මුදාගන්න කටයුතු කරනවා කියල අපි ඒ මොහොතේදී කල්පනා කළා. ඒ අනුව දේශපාලන කටයුතු පසෙක දමා රටත් ජනතාවත් බේරාගන්න කටයුතු කළ යුතුයැයි අපි කල්පනා කළා.

කොරෝනා වයිරසය ඉදිරිපිට ලෝකයේ අනෙක් රටවල් දණින් වැටෙන විට අපිට පුළුවන්කම ලැබුණා. වයිරසය ව්‍යාප්තවීම පාලනය කරගන්න. ඒ ගැන අපිට සතුටුයි. පසුගිය අප්‍රේල් මාසයේදී අපි අපනයනය කළ ප්‍රමාණයේ වටිනාකම ඇමරිකානු ඩොලර් මිලියන 250යි. නමුත් පසුගිය මාසයේදී අපේ ඇමරිකානු ඩොලර් මිලියන 950ක වටිනාකමකින් යුත් අපනයනයන් සිදුකර තිබෙනවා. ඒ නිසා මේක යූ ටර්න් එකක් නෙවෙයි තනිකරම වී ටර්න් එකක් විදියට හඳුන්වන්න පුළුවන්.

ඉකුත් ආණ්ඩුව යටතේ රටේ ආර්ථිකය සම්පූර්ණයෙන්ම කඩාවැටුණා. සංස්කෘතිය විනාශ කළා. ඒ අභියෝගයන් ජයගැනීම අවශ්‍ය බව අපි දැනගෙන හිටියා. නමුත් කොරෝනා වයිරසය ව්‍යාප්තිය අපිට සම්පූර්ණයෙන්ම අලුත් අත්දැකීමක්. අපි ඒ අභියෝගය ජයගත්තා. රට නැවතුණ තැනින් ඉදිරියට ගෙනියන්න අපිට ලොකු වගකීමක් තිබෙනවා. මැතිවරණය ජයගෙන ආර්ථිකය ශක්තිමත් කරන්න කටයුතු කරනවා. මේ කටයුතු කරන්න අපේ පක්‍ෂයට ශක්තිමත් පාර්ලිමේන්තු බලයක් ලබාදෙන්න. ඒ නිසා වැඩිය ඈතට හිතන්න එපා. කොරෝනා වයිරසය ව්‍යාප්තියේදි ක්‍රියාකළ ආකාරයම ඇති අපිට ඡන්දය දෙන්න.

අද අපිට මැතිවරණය මෙහෙයවන්න වෙලා තිබෙන්නේ මැතිවරණ කොමිසම හා සෞඛ්‍ය අංශ විසින් පනවා ඇති නිරෝධායන නීති රීතිවලට අනුවයි. ඒ සියලුම නීති රීති සුරකිමින් හා ජනාධිපතිවරයාගේ ප්‍රතිපත්තිවලට ගරුකරමින් මැතිවරණ ව්‍යාපාරයේ නිරතවන්න කියල අපි අපේක්‍ෂකයන්ගෙන් ඉල්ලනවා. අපිට තිබෙන ලොකුම ප්‍රශ්නය විරුද්ධ පක්‍ෂයක් නැති කමයි. ඒ නිසා පක්‍ෂවල ඉන්න අයම මනාප ලබාගන්න එකිනෙකාට විරුද්ධව කටයුතු කරනවා. ඒ නිසා අපි අපි අතර ප්‍රශ්න ඇතිකරගන්න ඕන නැතැයිද ඔහු පැවැසීය.
මාධ්‍යවේදීන් ඇසූ ප්‍රශ්න සඳහා බැසිල් රාජපක්‍ෂ මහතා දුන් පිළිතුරු මෙසේය.

ප්‍රශ්නය - ශක්තිමත් ආණ්ඩුවක් හදන්න ඔබගේ පක්‍ෂයට තියෙන වැඩපිළිවෙල මොකද්ද?
පිළිතුර - ආණ්ඩු බලය ලබාගෙන කෙටිකාලයක් තුළ කරපු දේවල් ගැන හිතල බලල අපිට ඡන්දය දෙන්න. අපිට ලොකු සංවිධාන ජාලයක් තිබෙනවා. පළාත් සභාවේ හිටපු මන්ත්‍රීවරුන්, පළාත් පාලන නියෝජිතයන් සමග එකතුවෙලා අපි වැඩ කරනවා. දැන් මමත් ඉන්න නිසා ඉදිරි දින 29 කාලයේදී විශාල වැඩ කොටසක් කරනවා.

ප්‍රශ්නය - මැතිවරණය ජයගෙන ව්‍යවස්ථාව වෙනස් කරන බව ජනාධිපතිවරයාත් අගමැතිවරයාත් කියනවා. ඒ තරම් ප්‍රබල ජනවරමක් ලැබෙයිද?
පිළිතුර - 1978 හදපු මේ ව්‍යවස්ථාව දැනට 19 වතාවක් සංශෝධනය කර තිබෙනවා. දැන් මේක අණ්ඩ දැමූ කමිසයක් වගෙයි. ඒ නිසා රටට ගැලපෙන නව ආණ්ඩුක්‍රම ව්‍යවස්ථාවක් හදන්න ඕන. 2005 සිට 2010 වසර දක්වා පැවති ආණ්ඩුවට සැලුන් දොරක් තිබුණා. දැන් ඒ දොර නැහැ. ඒ නිසා එක එක්කෙනාගේ ප්‍රාණ ඇපකරුවන් නොවී රටට හා ජනතාවට ගැලපෙන ආණ්ඩුක්‍රම ව්‍යවස්ථාවක් හදන්න අපිට පැහැදිලි බලයක් දෙන්න.

ප්‍රශ්නය - නිරෝධායන මධ්‍යස්ථානවල ඉන්න ජනතාව ඡන්දය පාවිච්චි කරන්නේ කොහොමද?  
පිළිතුර - ඒ සම්බන්ධ වගකීම ජනාධිපතිවරයා හා මැතිවරණ කොමිසම බාරගත යුතුයි.  

ප්‍රශ්නය - එක්සත් ජාතික පක්‍ෂය දෙකඩවෙලා. ඒ ප්‍රශ්නය පිටිපස්සේ ඉන්නේ ඔබද?
පිළිතුර - ඒක කළේ මම නොවෙයි. එක්සත් ජාතික පක්‍ෂය, ජනතා විමුක්ති පෙරමුණ වැනි ප්‍රධාන පක්‍ෂ දෙකඩවීමට ඒ පක්‍ෂවල නායකයොම වගකිව යුතුයි. ශ්‍රී ලංකා නිදහස් පක්‍ෂයත් අද වනවිට යම් තරමකට විනාශ වෙලා. දෙමළ සන්ධානයත් දෙකඩවෙලා කියල ආරංචියි. මේවට ඒ පක්‍ෂවල නායකයොම වග කියන්න ඕන.

ප්‍රශ්නය - ශ්‍රී ලංකා පොදුජන පෙරමුණේ හා ශ්‍රී ලංකා නිදහස් පක්‍ෂයේ අපේක්‍ෂකයන් අතර විශාල ගැටීමක් තිබෙන බව පේනවා. මෙහෙම ගැටීම් තියාගෙන ආණ්ඩුව හදන්නේ කොහොමද?
පිළිතුර- අපි ඒ ගැන පක්‍ෂ නායකයන් සමඟ සාකච්ඡා කළා. මේ භාරකාර ආණ්ඩුවෙත් ශ්‍රී ලංකා නිදහස් පක්‍ෂ ඇමැතිවරුන් ඉන්නවා. ඔවුන්ගේ අනන්‍යතාව ආරක්‍ෂාකරගෙන කටයුතු කරන්න ඕන. නමුත් මේ මැතිවරණයේදී පොහොට්ටුවේ මන්ත්‍රීවරුන් වැඩිපුර පත්වෙනවට මම පුද්ගලිකව කැමැතියි.



අදහස් (0)

‘කෙළින් වැඩ කරන්න තුනෙන් දෙක දෙන්න‘

ඔබේ අදහස් එවන්න

දේශපාලන

තරුණයින් පතන ලංකාව ඉක්මනින් හදනවා
2024 අප්‍රේල් මස 19 98 0

මෙරට තරුණ තරුණියන් අපේක්ෂා කරන ශ්‍රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්‍රමසිංහ මහතා පැවසීය.


විවාදය අභියෝගය මුලින්ම කළේ අනුර කුමාර
2024 අප්‍රේල් මස 10 1163 10

සමඟි ජන බලවේගයේ නායක සහ විපක්‍ෂ නායක සජිත් ප්‍රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා


පොහොට්ටුව හම්බන්තොටින් වැඩ අරඹයි
2024 මාර්තු මස 31 917 6

අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්‍රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ


‘‘රට හදන්න දේශපාලන වෙනසක් අවශ්‍යයි‘‘
2024 මාර්තු මස 31 2309 4

අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල


කිසිම දවසක දේශපාලනඥයන්ට හොරු අල්ලන බෑ. ඒක මිත්‍යාවක්-සජබ පා.ම හර්ෂ ද සි්ල්වා
2024 මාර්තු මස 17 2156 15

ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්‍රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග


වන්නි හත්පත්තුවේ ගොවි සමුළුවට මහා ජනකායක් පොල්පිතිගමට
2024 පෙබරවාරි මස 11 3684 9

මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 241 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1570 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1468 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site