(තුසිත කුමාර ද සිල්වා)

අලුත්ගම, දර්ගා නගරයේ වැලිපිටිය ග්‍රාම නිලධාරී වසමේ කළ සෝදිසි මෙහෙයුමකදී අද(2) හැඳුනුම්පත් 20ක් සමඟ පුද්ගලයකු  අත්අඩංගුවට ගත් බව පොලිසිය කියයි.

අත්අඩංගුවට ගත් පුද්ගලයා එරාවුර් ප්‍රදේශයේ පදිංචිකරුවෙකු බව ද පොලිසිය පවසයි.

මේ අතර අනන්‍යතාව තහවුරු කර ගත නොහැකි වූ තවත් පුද්ගලයකු ද පොලිසිය අත්අඩංගුවට ගෙන ඇත.

ආදායම් බලපත්‍ර රහිත යතුරු පැදි 2ක් ද මෙහිදී පොලිසිය බාරයට ගැණිනි.

අලුත්ගම පොලීසිය විශේෂ කාර්ය බලකාය හා යුද හමුදාව එක්ව මෙම සෝදිසි මෙහෙයුම ක්‍රියාත්මක කළ බව අලුත්ගම පොලීසිය කියයි.