සිම්බාබ්වේ නීතිවිරෝධී ලෙස පවත්වාගෙන ගිය රත්තරන් පතලක සිටි පුද්ගලයන් 23 දෙනෙකු මිය ගොස් ඇති බව විදෙස් මාධ්‍ය වාර්තා කරයි.

 
හරාරේ අගනුවර සිට කිලෝමීටර් 145ක් නිරිත දිගින් පිහිටි ප්‍රදේශයේදී මෙම අනතුර සිදු වී ඇත.
 
ප්‍රදේශයේ ඇති වූ ගංවතුර තත්ත්වය  පතලට බලපෑම නිසා අනතුර සිදුව  ඇති බව වාර්තා වේ.
 
පොම්ප භාවිතා කරමින් පතලේ වතුර ඉවත් කිරීමට කටයුතු කරන බවත්, මළ සිරුරු සොයා ගැනීම සිදු කරන බවත් දිස්ත්‍රික් පරිපාලකවරයා පැවසුවේය.
 
මෙසේ නීතිවිරෝධී ලෙස පතල් පවත්වාගෙන යාම බහුලව දක්නට ලැබෙන බව ඔහු පැවසුවේය.
 
පසුගිය වසරේ සිම්බාබ්වේහි  රන් ටොන් 33 ක් නිපදවා ඇති අතර එම නිෂ්පාදනයෙන් 60%ක් නිපදවා ඇත්තේ නීති විරෝධී පතල්කරුවන් ඇතුළු කුඩා ප්‍රමාණයේ රත්තරං නිෂ්පාදකයන් බව වාර්තා වේ. 
 
 
(රොයිටර් ඇසුරෙනි) 
 
(63226)