සිතුම් චතුරංග

වවුනියාව කෝවිල්කුලම ප‍්‍රදේශයේ නිවසක තිබූ යුද හමුදා නිල ඇඳුමක කොටසක් ඇතුළු උපකරණ තොගයක් අද (2) අත්අඩංගුවට ගත් බව වවුනියාව පොලිසිය කියයි.

යුද හමුදා සෙබලූන් හා පොලිසිය එක්ව කෝවිල්කුලම ප‍්‍රදේශයේ සිදුකළ විශේෂ සෝදිසි මෙහෙයුමකදී නිවසක කාමරයක් තුළ සඟවා තිබූ මෙම හමුදා නිල ඇඳුම ඇතුළු අනෙකුත් උපකරණ සොයාගෙන තිබේ.

සොයාගත් භාණ්ඩ අතර ඩිජිටල් ටේප් නැමති ලේසර් කිරණ එල්ලකළ හැකි උපකරණයක්, යුද හමුදා අත්වැසුම් , සහ ආරක්ෂක අංශ භාවිතා කරන සපත්තු යුගලක් (බූට්) හා අධි වෝල්ටීයතාවයෙන් යුත් විදුලි රැහැන් තොගයක් ද සොයාගත් බව පොලිසිය සඳහන් කළේය.

සැකකරු වසර ගණනක් බහරේන් හි සිට ඇති අතර අවස්ථා කිහිපයකදී මෙරටට පැමිණ ඇති බවට තොරතුරු ලැබී ඇති බව පැවසීය.

පොලිසිය පැවසූයේ සැකකරු මෙම යුද හමුදා නිල ඇඳුම් ඇතුළු සොයාගත් උපකරණ හා ආරක්ෂක අංශ පළදින සපත්තු සඟවා සිටියේ කුමන අරමුණක් සඳහා ද යන්න මෙතෙක් නිශ්චිත තොරතුරක් අනාවරණය නොවූ බවත්ය.

සැකකරු කෝවිල්කුලම පදිංචි වයස අවුරුදු 40 පුද්ගලයකු වේ.

අත්අඩංගුවටගත් සැකකරු වවුනියාව මහෙස්ත‍්‍රාත් අධිකරණයට ඉදිරිපත් කිරීමට නියමිතය.