විදුලි බලයෙන් පමණක් ක්‍රියාකරන ලොව විශාලතම යානය ගුවන් ගත කරයි

සම්පූර්ණයෙන්ම විදුලි බලයෙන් ක්‍රියාකරන ලොව විශාලතම ගුවන් යානයේ ප්‍රථම චාරිකාව ඇමරිකාවේ වොෂින්ටන් ප්‍රාන්තයේදී සිදුකර ඇතැයි වාර්තා වේ.

සෙස්නා කැරවන් නම් ආසන නවයක් සහිත මෙම යානයෙන් කිසිදු කාබන් විමෝචනයක් සිදුනොවන බව එහි නිශ්පාදක සමාගම වන මැග්නික්ස් ආයතනය පවසයි.

යානයට පැයට සැතපුම් 114ක වේගයෙන් ගමන් කළහැක.

2021 අවසන් වනවිට යානය වාණිජ ගුවන් ගමන් සඳහා යෙදවීමට බලාපොරොත්තු වන බව ද නිශ්පාදකයෝ පවසති.

මෙවැනි විද්‍යුත් ගුවන් යානයක පියාසර පැයක් සඳහා වැයවන්නේ අඩු පිරිවැයක් බවත් කුඩා ගුවන්තොටුපල හරහා සිදුකරන අභ්‍යන්තර ගුවන් ගමන් සඳහා වඩාත් වාසිදායක වනු ඇති බවත් පරිසර දූෂණය අවම වීම ප්‍රධානම ප්‍රතිලාභය බවත් මැග්නික්ස් හි ප්‍රධාන විධායක නිලධාරී රෝයි ගන්සාර්ස්කි පවසයි.

යානයේ මගීන් නවදෙනකුට ගමන් කළ හැකි වුවත් ප්‍රථම ගුවන් ගමන සඳහා සහභාගී වී ඇත්තේ ගුවන් නියමුවා පමණි.

(බීබීසී ඇසුරිණි - 085)

අදහස් (5)

විදුලි බලයෙන් පමණක් ක්‍රියාකරන ලොව විශාලතම යානය ගුවන් ගත කරයි

hemantha Saturday, 30 May 2020 09:39 AM

අම්මෝ මාතෘකාවේ විදියට මම හිතුවේ මගීන් 1000ක් වත් අරන් ගිහින් කියලා.

: 0 2

Sunil Tissa Sunday, 31 May 2020 04:36 AM

ඔය ටිකටික එන්නේ අරාබියන්ගේ ලොකුකම බස්සන වැඩ පිළිවෙලක්..., ඔක්කොම වාහන කරන්ට් එකෙන් දුවන්න හැදුවා නම් අරාබි කාන්තාවන් අපේ ගෙවල්වල වැඩට එයි..

: 1 35

විජිත් Sunday, 31 May 2020 06:15 AM

sesna 208-B Grand Caravan " හෙවත් සෙස්නා 208-B ග්රෑන්ඩ් කැරවන් " කියා හඳුන්වන මේ all electric ගුවන් යානය ඊයේ ( 28.05.2020 ) මුල් වරට සිය කුළුඳුල් ගමන සිදුකල අතර එය මිනිත්තු 30 පමණ වොෂින්ටන් අහසේ අඩි 2500 පමණ උසකින් ගමන්කොට ..අවසානයේදී මෝසස් ලේක් ගුවන් පථයට ගොඩබැස්සා. ගුවන් යානය අහසට ගෙනගිය පරීක්ෂක ගුවන් නියමු ස්ටීව් ක්රේන් පවසා සිටියේ " කරදර බාධා වලින් තොර " ගුවන් ගමනක් කියයි.මේ ගුවන්යානයේ විදුලි මෝටරය ලෙස MagniX Magni 500 යොදාගත් අතර එය අශ්වබල 750 ක බලයක් ඇතිකරනබව ඒ ආයතනය කියනවා.ඒවගේම තමයි මගින් 9 දෙනෙකු ගෙනයාහැකි මේ යානයේ විදුලිය උත්පාදනය කරන්නේ lithium - Ion බැටරියකින් වන අතර ඉන් වෝල්ට් 750 ක විභව අන්තරයක් ලබාදේ, ඉතාමත්ම බර මේ විදුලි බැටරි පද්ධතිය නැවත ආරෝපණය කරගැනීමට " ගුවන් කාලය හා සමාන කාලයක් " ගනී.සමහරවිට මේ බැටරිය වෙනුවට lithium -sulfur බැටරියක් හෝ හයිඩ්‍රජන් ඉන්ධන කෝෂයක් මීළඟට යොදාගන්නත් ඉඩ තියෙනවා. ඉතින් පරිසර හිතකාමී ගුවන් යානයක් වන මෙයින් කාබන් ඩයොක්සයිඩ් පිටවිමක්නම් සිදුවෙන්නේ නැහැ .නමුත් ඩොලර් 6 ක විදුලිය වැයවීම නිසා " කාබන් පියසටහන "නැතිම වෙලා නැහැ.

: 0 78

Rata Perata Sunday, 31 May 2020 06:30 AM

ඉතාම වටිනා සොයාගැනීමක්... ගුවන්ගමන් වලින් දැනට වන පරිසර හානිය ඉතා විශාලයි.

: 0 16

සමිත සේනක අලුත්ගමගේ. Sunday, 31 May 2020 11:54 AM

විජිත්, ඔයාගේ අගනා කරුණු අඩංගු විස්තරයෙන් අප දැනුවත් කළාට ස්තුතියි.

: 0 39