IMG-LOGO

2025 අගෝස්තු මස 30 වන සෙනසුරාදා


ලිෆ්ට් කවුළුවෙන් වැටී සිකියුරිටි ඕ අයි සී මරුට

(ශාන්ත ප්‍රදීප් කුමාර කුලරත්න)

හෝමාගම දියගම පිහිටි මොරටුව සරසවියේ තාක්ෂණ පීඨ ගොඩනැගිල්ලේ විදුලි සෝපානය ගමන් ගන්නා කවුළුවෙන් බිමට වැටී  එම සරසවියේ ස්ථානභාර ආරක්ෂක නිලධාරියා  ජීවිතක්ෂයට පත්ව ඇතැයි කහතුඩුව පොලිසිය පවසයි.

මෙසේ මියගොස් ඇත්තේ නිකදළුපොත ,උයන්ගල්ල , රණවිරු මාවතේ අංක 158 හි පදිංචි , ඒ . ලාල් චන්ද්‍රකුමාර නමැති (73) පුද්ගලයෙකු බව පොලිසිය කියයි .

ඊයේ (02) දා සවස පහට පමණ තාක්ෂණ පීඨ සරසවියේ  විදුලිය විසන්ධි වී ඇති අතර එම අවස්ථාවේදී ගොඩනැගිල්ලේ විදුලි සෝපානය තිබී ඇත්තේ  හයවෙනි මහලේ බව පොලීසිය කියයි .

එම අවස්ථාවේදී  විදුලි සෝපානයට විදුලිය සැපයෙන ස්විචය  අක්‍රිය  කිරීම සඳහා ස්ථානභාර ආරක්ෂක නිලධාරියා  සිව්වන මහලෙන් විදුලි සෝපානයේ දොර විවර කිරීමට උත්සාහ දරා ඇතැයි පැවැසේ .

එහෙත් ක්ෂණිකව දොර විවර නොවන නිසා මදක් තදින් දොර තල්ලු කර විවර කිරීමට ගිය අවස්ථාවේදී එක්වරම දොර විවර වී  ආරක්ෂක නිලධාරියා විදුලි සෝපානය ගමන් ගන්නා  කවුළුවෙන් වැටී ඇති බව පොලිසිය පවසයි .

ඒ අනුව අඩි හතළිහක් පමණ උසින් ආරක්ෂක නිලධාරියා බිමට වැටී මෙම අනතුරට ලක්ව ඇති බව පොලීසිය කියයි.

පසුව අනතුරට පත් පුද්ගලයා ප්‍රතිකාර සඳහා හෝමාගම මූලික රෝහලට ඇතුලත් කර  ඇති අතර රෝගියා පරීක්ෂා කළ  වෛද්‍යවරුන් පවසා ඇත්තේ ඔහු මියගොස් ඇති බවයි .

ඒ අනුව මෘත දේහය පිළිබඳ පශ්චාත් මරණ පරීක්ෂණය  හෝමාගම හදිසි මරණ පරීක්ෂක සාමවිනිසුරු චින්තක උදයකුමාර මහතා විසින් අද (03)  හෝමාගම මූලික රෝහලේ හදිසි මරණ පරීක්ෂණ අධිකරණයේදී පැවැත්වීමට නියමිතව තිබුණි . සිද්ධිය සම්බන්ධයෙන් කහතුඩුව පොලීසිය වැඩිදුර පරීක්ෂණ පවත්වති . 



අදහස් (0)

ලිෆ්ට් කවුළුවෙන් වැටී සිකියුරිටි ඕ අයි සී මරුට

ඔබේ අදහස් එවන්න

 

 
 

මේවාටත් කැමතිවනු ඇති

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15336 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 502 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි! 2025 අගෝස්තු මස 15 275 0
සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි!

ශ්‍රී ලංකාවේ බැංකු නොවන මූල්‍ය සමාගම් අතර ප‍්‍රමුඛතම මූල්‍ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්‍ය සමාගම වන සියපත ෆිනෑන්ස් පීඑ

Our Group Site