(බිමල් ශ්‍යාමන් ජයසිංහ)
 
පොලිස් විශේෂ කාර්ය බලකායේ උප පොලිස් පරීක්ෂකවරයෙකු හා තවත් පුද්ගලයෙකු මෝටර් රථයකින් රුපියල් 500,000කට ආසන්න කේරළ ගංජා තොගයක් රැගෙන යමින් සිටියදී බණ්ඩාරගමදී අත්අඩංගුවට ගත් බව පානදුර කොට්ඨාස මෙහෙයුම් ඒකකය කියයි.
 
සැකකාර උප පොලිස් පරීක්ෂකවරයා කිලිනොච්චි හමුදා කඳවුරට අනුයුක්තව සේවය කරන බිබිල පදිංචිකරුවකු බවද අනෙක් පුද්ගලයා කුරුණෑගල පදිංචි 36 හැවිරිදි අයෙක් බවද පොලිසිය පවසයි.
 
සැකකරුවන් දෙදෙනා පානදුර හා හොරණ ප්‍රදේශවලට මෙම ගංජා බෙදා හැරීම සඳහා රැගෙන ආ බව පොලිසිය වැඩිදුරටත් කියයි.
 
අත්අඩංගුවට ගත් සැකකරුවන් දෙදෙනා පානදුර අධිකරණයට ඉදිරිපත් කිරීමට නියමිතය.