රජයේ ආයතනවලට ලිපි ද්‍රව්‍ය අවුරුද්දටම අච්චු ගැසීම නවත්වයි

(සුජිත් හේවාජුලිගේ)

මුද්‍රණ කඩදාසි හිඟය නිසා රජයේ ලිපි ද්‍රව්‍ය මුද්‍රණ කටයුතුද බොහොමයක් ඉතාම කෙටි කලකින් අඩපණවීමේ අවදානමක් මතුව ඇතැයි වාර්තා වෙයි.

රජයේ මුද්‍රණ දෙපාර්තමේන්තුව රජයේ ආයතන වෙනුවෙන් ලිපි ලේඛන මුළු වර්ෂයටම මුද්‍රණය කිරීම මේ අනුව තාවකාලිකව නවතා දැමූ බව රජයේ මුද්‍රණාලාධිපතිනී ගංගානී කල්පනා ලියනගේ මහත්මිය පැවසුවාය.

රජයේ ආයතන වෙනුවෙන් කාර්තුවෙන් කාර්තුවට ලිපි ද්‍රව්‍ය මුද්‍රණය කිරීමට පියවර ගෙන ඇතැයිද ඇය සඳහන් කළාය.

මුද්‍රණ කඩදාසි පිරිමසා ගැනීම සඳහා මෙම පියවර ගෙන ඇතැයි රජයේ මුද්‍රණ දෙපාර්තමේන්තුව පවසයි.

මේ අතර රජයේ ආයතනවල ගබඩාවන්හි දැනට පවතින ලිපි ද්‍රව්‍යවල විස්තර පිළිබඳ වාර්තාවක් ඉදිරිපත් කරන ලෙස රජයේ මුද්‍රණ දෙපාර්තමේන්තුව එම ආයතනවලට දැනුම්දී ඇත.

එසේම කොළඹ වරායේ හිරවී ඇති මුද්‍රණ කඩදාසි තොග නිදහස් කර ගැනීම සම්බන්ධයෙන්ද මහ භාණ්ඩාගාරය සමඟ සාකච්ඡා කරන බව ගංගානී කල්පනා ලියනගේ මහත්මිය වැඩිදුරටත් කීවාය.

අදහස් (2)

රජයේ ආයතනවලට ලිපි ද්‍රව්‍ය අවුරුද්දටම අච්චු ගැසීම නවත්වයි

අප්පුහාමි Friday, 01 April 2022 01:27 PM

ලංකාවෙ වැඩි ජනතාවක් උදේ කුලියක් කරන්න යනවා හවසට ලැබෙන මුදලිත් රාත්‍රියටත් පසුදා උදේට පාන් ගෙඩියක් හෝ දෙකකුත් දහවල සදහා සුලු දෙයකුත් ගන්නවා සමහර අය මාසෙකට ඇතිවෙන්න වියලි ආහාර ගේන්නෙ පඩි දවසට මස් හෝ මාලු කෑල්ලක් කන්නෙ පඩි දවසට ඇත්ත නැත්ත වැටුප් හෝ විශ්‍රාම වැටුප් දිනක නගරයේ මාලු කඩයක් ළග බලන්න එහෙම වුනත් රටකට අවශ්‍ය දේවල් එහෙම ගන්න බැහැ දිගුකාලීනව අවශ්‍ය දේවල් ගැනීමට සැලසුම් කරල මිලට ගන්න ඕන එහෙම නොකොලොත් සියලු රට වැසියොම අනතුරේ..තවත් එකක් මේවා කරන්න ඉදිරි දැක්මක් ඇති පාලකයො ඉන්න ඕන

: 0 0

Hafeel Friday, 01 April 2022 01:49 PM

අපේ විමලයා මහ ලොකුවට කිව්වනේ..., වාලච්චේන කඩදාසි කම්හල ඔහු නැවත පටන්ගත්තේ රටට අවශ්‍ය කඩදාසි රට තුළම නිෂ්පාදන කරන්න ඕනෑ කියලා. කෝ ඉතින්? ඒ වගේම තමයි අපේ විමල්, ධම්මික නිෂ්පාදනයටත් යාන්ත්‍රණයක් දුන්නා. වැඩක් වුණාද? දැන් පන්සල් ගානේ ගිහින් මහානායක හිමිවරු බැහැදැකලා තමාගේ දුක් ගැන කියනවා...

: 0 2