ravi Thursday, 14 February 2019 09:20 AM

දැන් ඉතින් කැලේ ඉන්න සත්තුටික.. මෙතනම මරාගෙන කයි නේද..?

sirimal Thursday, 14 February 2019 10:08 AM

යාල පමණක් නෙවේ... අනෙකුත් සියලුම වනඋයන් වල සංචාරකයින් සඳහා අවශ්‍ය පහසුකම් නවීකරණය කළ යුතු වෙයි. ලංකාවේ සංචාරකයින්ගේ සිත් දිනා ඇති බොහෝ තැන්වල හරි හමන් භෝජන ශාලා හෝ වැසිකිලි පහසුකම් නැත. ලෝකයේ ජනප්‍රියම වනෝද්‍යාන ඇති අප්‍රිකාවේ රටවල වනඋයන් මැද්දේ තැනින් තැන අාහාර ගැනීම සඳහා ආසන සහ මේස සහිත ආරක්‍ෂිත ස්ථාන මෙන්ම ඉතාම පිරිසිදු වැසිකිලි පවත්වාගෙන යන අතර එම තැන් පිරිසිදුව තබා ගැනීම සඳහා සේවකයින්ද යොදවා ඇතිබව අපි දැක ඇත්තෙමු. මේ සේවා සපයන්නේ මුදල් අයකිරීමකින් තොරවය. මෙයට අමතරව මෙම වන උයන් තුළ හදිසි ආපදාවන් සඳහා උදව් ලබාගත හැකි වාහන අලුත් වැඩියා කරන තැන් සහ ඉන්ධන ලබාගත හැකි තැන්ද ස්ථාපිත කර ඇත. එම වන උයන් තුළ අප රටේ මෙන් වාහන තද බදයක් දක්නටද නැත. රට තුළ ගමන් කරන විට ගිමන් හැරීමට, ආහාරපාන ලබා ගැනීමට සහ වැසිකිලි භාවිතා කිරීමටත් ඉතාම උසස්, පිරිසිදු අන්දමට පවත්වාගෙන යන ආපන ශාලා ඇත. මේ රටවල් ලංකාවට වඩා ධනවත් හෝ දියුණු ඒවා නොවේ. එසේවුවත් ඒ රටවල සංචාරකයින් සඳහා අවශ්‍ය පහසුකම් අපට වඩා හොඳින් සපයයි. " අලිවැට" ද තවත් උදාහරණයකි.

lankaThursday, 14 February 2019 11:54 AM

අප්‍රිකාවේ රටවල වනඋයන් වල එතරම් තදබදයක් නැත්තේ, එම වන උද්‍යාන ලංකාවේ උද්‍යානවලට වඩා බිම් ප්‍රමාණයෙන් විශාල බැවිනි. ලංකාවේ සංචාරකයින් සඳහා පහසුකම් අඩුව ඇත්තේ, ආකල්පමය වශයෙන් ලංකාවේ මිනිසුන්ගේ පරමාර්ථය හැකිතාක් අඩු පිරිවැයක් දරා, වැඩි අදායමක් ලබා ගන්නට තැත් කිරීමයි.

sirimalThursday, 14 February 2019 12:38 PM

සම්පුර්ණ ඇත්ත. සේරන්ගෙටි, මසයි මාරා වගේ වන උයන් අති විශාලයි. අප්‍රිකාවේ සමහර වනෝද්‍යාන, පෞද්ගලික ඒවා. එතරම් විශාල ඒවා නොවේ. නමුත් මේවා තුලත් උපරිම පහසුකම් සලසා තියෙනවා. වන උයන් තුල ඇති නවාතැන් පහසුකම් පවා ඉතාම හොඳින් පවත්වාගෙන යනවා. ලංකාවේ ඇති නවාතැන් ඒවාට සමවීමට තියා ගව් ගානකින් වත් කිට්ටුවීමට බැරි කසි කබල් ඒවා බව කනගාටුවෙන් උවත් කිව යුතුයි. සිම්බාබ්වේ රටේ ඇති වන උයන් එතරම් විශාල නැහැ. වික්ටෝරියා දිය ඇල්ල, සැම්බීසී ගංගාව වගේ ස්ථාන වල සියලුම අත්‍යාවශ්‍ය පහසුකම් ඉතා හොඳට පවත්වා ගෙන යනවා. ඒ වගේම රටවල් තුල ගමන් බිමන් යාමේදීත් තැන තැන තේ බිමට සහ විවේක ගැනීමට පිරිසිදු මෙන්ම උසස් ප්‍රමිතියකින් යුතුව පවත්වාගෙන යන ස්ථාන තියෙනවා. බොහෝ තැන්වල අත්කම් සහ සිහිවටන ආදිය මිලදී ගැනීමටත් පුළුවන්. පාරිබෝගිකයාගේ මුහුණ බලා මිල ගණන් කියන බවක් අප දුටුවේ නැහැ. භාණ්ඩ වල මිල ඒවායේ සඳහන් කර තිබීම සාමාන්‍ය දෙයක්. මේ කොහෙවත් තැනක ජීප් රියදුරන් අයතා අයුරින් හැසිරෙනු අප දැක නැහැ. ඔවුන් කියන්නේ "සත්තු නිසයි අපි ජීවත් වෙන්නේ. ඒ නිසා අපි මේ සතුන් ආරක්ෂා කල යුතුයි"කියායි. මේ රටවලින් අපට බොහෝදේ ඉගෙන ගන්න පුළුවන්.