(හිරාන් ප්‍රියංකර ජයසිංහ)

ඉන්දියාවේ සිට මුහුදු මාර්ගයෙන් රැගෙන විත් තිබූ බිඩි කොළ කිලෝ 1050 කට ආසන්න තොගයක් සැකකරුවන් දෙදෙනෙකු සමඟ මාරවිල මුහුදුකටුව මුහුදු තිරයෙදී අද (15) පොලිස් විශේෂ කාර්ය බළකා නිලධාරින් විසින් අත්අඩංගුවට ගනු ලැබීය.

මෙසේ අත්අඩංගුවට ගෙන ඇත්තේ ඉන්දියාවේ සිට නීතිවිරෝධී ආකාරයට මුහුදු මාර්ගයෙන් ධීවර යාත්‍රා දෙකකින් රැගෙන විත් මුහුදුකටුව වෙරළ තිරයේ දී ලොරි රථයටකට අදාළ බීඩි කොළ තොගය පැටවීමට සුදානම්වන අවස්ථාවේදීය.

ධීවර යාත්‍රා දෙකකින් රැගෙන විත් තිබු මෙම බීඩි කොළ තොගය උර 34 ක අසුරා තිබු බවත් එහි වටිනාකම රුපියල් ලක්ෂ 54  ඉක්මවන බවත් පොලිසිය පවසයි.

අත්අඩංගුවට ගත් සැකකරුවන් මීගමුව ප්‍රදේශයේ පදිංචිකරුවන් බවත් අදාළ බීඩි කොළ තොගය හා සැකකරුවන් ද බීඩි කොළ ප්‍රවාහනයට යොදා ගැනීමට සුදානම් කර තිබු ලොරි රථය ද ශ්‍රී ලංකා රේගුවට බාරදිමට කටයුතු කරන බව පොලිස් විශේෂ කාර්ය බළකා නිලධාරීහු පවසති.