(සුජිත් හේවාජූලිගේ සහ ආරියරත්න රණබාහු)
 
 
පාර්ලිමේන්තුවට ජල බෝතල් රැගෙන ඒම අද(08) සිට තහනම් කර තිබේ.
 
ආරක්ෂක හේතු මත මෙම තීරණය ගත් බව පාර්ලිමේන්තු නිලධාරියෙක් ‘ලංකාදීප’යට පැවසීය.
 
පිටතින් පැමිණෙන අමුත්තන්ට මෙන්ම පාර්ලිමේන්තු සේවක සේවිකාවන්ටද මෙම තහනම එකසේ බලපැවැත්වෙන බව කියන එම නිලධාරියා පාර්ලිමේන්තුවේ සෑම ස්ථානයකම බීමට ජලය ඇති හෙයින් පිටතින් මෙලෙස ජලය ගෙන ඒමේ අවශ්‍යතාවයක් නොමැති බවද පැවසීය.
 
පාර්ලිමේන්තු සේවක සේවිකාවන් විසින් රැගෙන එන ලද ජල බෝතල් පාර්ලිමේන්තු ගොඩනැගිල්ලට ගෙනයාමට ආරක්ෂක අංශවලින් අද(08) අවසර නොලැබිණි.