IMG-LOGO

පානදුර නගරයේදී වෙඩි තැබීමක්

(සුමිත් ප්‍රේමතිලක සහ බිමල් ශ්‍යාමන් ජයසිංහ)

යතුරුපැදි දෙකකින් පැමිණි නාදුනන තුවක්කු කරුවන් සිව්දෙනකු  පානදුර මූලික රෝහල් ප්‍රධාන දොරටුව ඉදිරිපිටදී අද දහවල් ගිලන්රථ රියදුරකුට වෙඩිතබා පලාගොස් ඇතැයි පානදුර දකුණ පොලිසිය පවසයි.

පිස්තෝලයකින් වෙඩිතැබීම සිදුකර ඇති අතර , උණ්ඩය නිසියාකාරව පත්තු නොවීමෙන් කිසිවකුටත් හානි සිදුව නැතැයිද පොලිසිය කීය.

පානදුර කේතුමතී කාන්තා රෝහලේ  ගිලන්රථ රියදුරකු ඉලක්ක කරගනිමින් වෙඩිතැබීම සිදුකර ඇති බවත් , හෙරොයින් මත්කුඩු කිලෝ 45 ක් යුදහමුදා වෑන් රථයකින් ප්‍රවාහනය කරමින් සිටියදී වලාන මධ්‍යම දුෂණ මර්ධන ප්‍රහාරක ඒකකය අත්අඩංගුවට ගැනීම සම්බන්ධයෙන් ඔත්තුවක් ලබාදීම වෙඩිතැබීමට ආසන්නතම හේතුව බවට හදුනාගෙන ඇති බවත් පරීක්ෂණ පවත්වන නිළධාරියෙක් කීය.

ගිලන්රථය දහවල් 11.15 ට පමණ පානදුර කේතුමතී කාන්තා රෝහලෙන් පිටත්ව පානදුර මූලික රෝහලට පැමිණ ඇති අතර , ගිලන්රථය ලුහුබැඳ පැමිණි තුවක්කුකරුවන් , රථය පානදුර මූලික රෝහලට ඇතුල් කරනවාත් සමගින් ප්‍රධාන දොරටුව ඉදිරිපිටදී වෙඩිතබා මොරටුව දෙසට පලාගොස් ඇති බවට ලද තොරතුරු මත පරීක්ෂණ සිදුකරන බව පොලිසිය කියයි.

වෙඩිතැබීමට පැමිණ තුවක්කු කරුවන් පිස්තෝල දෙකක් රැගෙන පැමිණ ඇති බවට මෙතෙක් කල පරීක්ෂණ වලදී තහවුරුව ඇතැයිද පොලිසිය සදහන් කරයි.

වෙඩි තැබීම සඳහා මිමි 9 වර්ගයේ ගිනි අවියක් භාවිතා කරන්නට ඇති බවට තොරතුරු ලැබී ඇති බවත් වැටී තිබුණු ජීව උණ්ඩයක් සොයාගත් බවත් පොලිසිය කියයි .

(ඡායාරූප: බිමල් ශ්‍යාමන් ජයසිංහ)


(ඡායාරූප: සුමිත් ප්‍රේමතිලක)



අදහස් (0)

පානදුර නගරයේදී වෙඩි තැබීමක්

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 14 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15434 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 524 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site