2025 ජුලි මස 12 වන සෙනසුරාදා
2025 ජුලි මස 12 වන සෙනසුරාදා
(ඡායාරූප හා සටහන-මස්කෙළිය ගාමිණී බණ්ඩාර ඉලංගන්තිලක)
නල්ලතන්නිය-ශ්‍රීපාද වන්දනාවේ ගමන් කරන ශ්‍රීපාද වන්දනාකරුවන් සඳහා පොදු පහසුකම් ගැටළු රැසක් ඇති බවත්, එම ගැටළු වලට කඩිනමින් අදාල අංශ සමග සාකච්ඡාකර විසඳුම් ලබා දීමට පියවර ගන්නා බව මධ්‍යම පළාත් ආණ්ඩුකාර මෛත්‍රී ගුණරත්න මහතා පැවසීය.
ආණ්ඩුකාරවරයා එසේ පැවසුවේ නල්ලතන්නිය හා මස්කෙළිය ප්‍රදේශවල ශ්‍රීපාද වන්දනාකරුවන් ඇතුලු ප්‍රදේශයේ ජනතාවට පවතින ගැටළු සම්බන්ධව සොයා බැලීමට අද (20) දා පැමිණි හදිසි සංචාරකයකදී මාධ්‍යයට අදහස් දක්වමිනි.
මෛත්‍රී ගුණරත්න මහතා, නල්ලතන්නිය-ශ්‍රීපාද මාර්ගයේ පිහිටි කල්පවෘක්ෂ විහාරයට ගොස් විහාරාධිපති දෙහිපේ නන්ද නා හිමියන් හමුවී ප්‍රදේශයේ පවතින ගැටලු සම්බන්ධව විහාරාධිපති හිමියන් සමගද සාකච්ඡා කිරීමෙන් අනතුරුව වැඩිදුරටත් අදහස් දක්වමින් මධ්‍යම පළාත් ආණ්ඩුකාරවරයා මෙසේද කීය.
ආණ්ඩුකාර මෛත්‍රී ගුණරත්න මහතා මස්කෙළිය ප්‍රාදේශිය රෝහල වෙත ගොස් ප්‍රධාන වෛද්‍ය ලියැදිපිටිය මහතා හමුවී රෝහලේ කාලයක් තිස්සේ පවතින ගැටලු සම්බන්ධව සාකච්ඡා කර එම් ගැටලුවලට කඩිනමින් විසඳුම් ලබා දීමට කටයුතු කරන බව පැවසීය. මස්කෙළිය, රිකාටන් ප්‍රදේශයේ පිහිටි මස්කෙළිය ප්‍රදේශිය සභාව සතු කසල ප්‍රතිචක්‍රීයකරණ මධ්‍යස්ථානයද පරීක්ෂා කර ඊට අවශ්‍ය නවීන තාක්ෂණ යන්ත්‍ර ලබා ගැනීම සම්බන්ධව අවශ්‍ය උපදෙස් ලබා දීමද සිදු කළේය.
මෙම අවස්ථාවට අඹගමුව ප්‍රදේශිය සභාවේ සභාපති ජයසංක පෙරේරා, මස්කෙළිය ප්‍රාදේශිය සභාවේ සභාපතිනි සෙම්බගවල්ලි, ආණ්ඩුකරවරයාගේ ලේකම් තෙන්නකෝන් බණ්ඩාර, මස්කෙළිය ප්‍රාදේශිය සභාවේ ලේකම් ආර්.රාජවීරන් යන මහත්ම මහත්මීහු සහභාගී වූහ.
2025 ජුලි මස 04
317
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
842
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1270
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
නල්ලතන්නි -ශ්‍රීපාද බැතිමතුන් සඳහා කඩිනම් පහසුකම් ලබාදීමට පියවර
nihal Sunday, 20 January 2019 04:44 PM
අපේ සීය මේ ප්‍රවෘතිය දැකලා කිව්වේ සීය පොඩිකාලෙත් ඔය වගේම රටේ පාලකයින් කිව්වා කියලයි.
RaveendraMonday, 21 January 2019 02:43 AM
නිහාල් මයා වෙත, ඇත්තෙන්ම ඔබගේ අදහස් අප අගය කරන්නෙමු. අරුමෝසම් කතා කියන අරුමෝසම් වෙළෙන්දෝ දියවන්නා ඔයේ මෙන් අනිකුත් දේශපාලන අධිකාරිවලද යහමින් වැජඹෙන්නෝය.
upul Monday, 21 January 2019 07:37 AM
අලුත් ආණ්ඩුකාරවරුනුත් වැඩ පෙන්නන්න අරන් වගේ... දේශපාලඥයන්ගේ වැඩ ආණ්ඩුකාරවරුන් බදා ගන්න යනවා
Amila Monday, 21 January 2019 07:56 AM
මේ විදියට දේශපාලනය කරන අය ගැටලු තියෙන තැන් වලට යන එක හොඳදෙයක්... මෑතකදි සජිත් ඇමතිතුමත් සීගිරියේ අවට තියෙන ප්‍රශ්න බලන්න සහ විසඳුමක් දෙන්න ගිහින් තිබුණා. අනිත් මැතිඇමැතිවරුත් එහෙම යනවා නම් බොහෝ පොදු ගැටළු විසඳගන්න පහසු වෙනවා. මොකද නිලධාරීන් හෝ පහළ ඉන්න වග කිව යුතු අය බොහෝ වේලාවට වැඩ කරන්නේ නෑ.