(ඩයනා උදයංගනී)
ශ්රී ලංකා නිදහස් පක්ෂයේ නායක මෛත්රීපාල සිරිසේන මහතාගේ හා අග්රාමාත්ය මහින්ද රාජපක්ෂ මහතාගේ නායකත්වයෙන් යුත් පුළුල් සන්ධානයකින් ඉදිරි මහ මැතිවරණයට තරග කරන බව ශ්රීලනිප මහ ලේකම් මහාචාර්ය රෝහණ ලක්ෂ්මන් පියදාස මහතා පැවසීය.
මහින්ද රාජපක්ෂ මහතා එම සන්ධානයේ අග්රාමාත්ය අපේක්ෂකයා බව කී මහලේකම්වරයා එහි ඡන්ද ලකුණ කුමක් ද යන්න ගැන මෙතෙක් අවසන් තීරණයකට පැමිණ නැතැයි ද කීවේය.
එක්සත් ජාතික පෙරමුණ නැමති සතුරාට මුහුණ දීම සඳහා ප්රගතශීලී, වාමවාදී, දේශප්රේමී හා ජාතිකවාදී සියලූම බලවේග එක්කර ගනිමින් දැවැන්තම සන්ධානය ගොඩනගන බව ද ඔහු ප්රකාශ කළේය.
රටේ ප්රධාන දේශපාලන පක්ෂයක් වන ශ්රී ලංකා නිදහස් පක්ෂය අතීතයේ සිටම ජාතික මැතිවරණවලට ඉදිරිපත් වූයේ පුළුල් සන්ධානයක් යටතේ බව කී මහලේකම්වරයා මෙවරද එවැනි සන්ධානයක් වෙනුවෙන් මූලික සාකච්ඡා ආරම්භ කර තිබෙන බව කීවේය.
මහලේකම්වරයා මේ බව පැවසුවේ කොළඹ, ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානයේදී අද (12) පැවති මාධ්ය හමුවක් අමතමිනි.
අතීතයේ පටන් මෙවන් අවස්ථාවල පක්ෂයේ ලකුණ වන ‘අත’ ලකුණ වෙනුවට ‘රෝදය’, ‘පුටුව’, ‘බුලත්කොලය’ ආදී ලකුණුවලින් තරග කර තිබෙන බව කී මහාචාර්ය රෝහණ ලක්ෂ්මන් පියදාස මහතා මෙවර ද සියලූ දෙනා එකඟ වන ඡන්ද ලකුණක් තෝරාගන්නා බව සඳහන් කළේය.
මේ අවස්ථාවේ සිතිය යුතු වැදගත්ම දෙය වන්නේ පොදු සතුරාට මුහුණ දෙන්නේ කෙසේ ද යන්න බව කී මහාචාර්යවරයා අන් සියලූ කරුණු සළකන්නේ දෙවැනි කොට බව ද කීවේය.
ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් ‘හරක් කටා‘ නැමැත්තා තංගල්ල අධිකරණ වෛද්ය නිලධාරිවරයා හෝ ඔහු විසින් නම් කරන
ශ්රී ලංකාවේ භෞමික අඛණ්ඩතාවයට හානි වන ආකාරයේ ස්මාරකයක් කැනඩාවේ ඉදිකිරීමට අනුමැතිය දීම සම්බන්ධයෙන් ශ්රී ලංකා රජය දැඩි විරෝධය පළ කරන බව විදේශ අමාත්
කිසිදු බාධාවකින් තොරව කෘතීම බුද්ධියේ ආයෝජනය කිරීම සඳහා මාර්ගය සකසා ගැනීමේ අරමුණින් සේවකයන් 6000 ක් ඉවත්කිරීමට මයික්රෝසොෆ්ට් සමාගමේ තීරණය කර ඇතැයි පැව
කැනඩාවේ ඉදිකර ඇති එල්.ටී.ටී.ඊ. සමරු ස්මාරකයට විරෝධය දැක්වීමට වර්තමාන ආණ්ඩුවට රාජ්යතාන්ත්රික දේශපාලන පෞරුෂයක් නොමැති බව ශ්රී ලංකා පොදුජන පෙරමුණේ හ
ඉන්දියානු ණය යෝජනා ක්රමය යටතේ දුන් ණය මුදල් වලින් ව්යාජ ලේඛන සකස් කොට රජයේ රෝහල්වලට බෙදා හැරීම සඳහා ලබාදුන් ස්නායු රෝගී්න් සඳහා භාවිතා කරන ’ඉමියුනෝ
මහජන සනීපාරක්ෂාව සහ ගමනාගමන පහසුව වැඩිදියුණු කිරීම වෙනුවෙන්, දිවයින පුරා ඉන්ධන පිරවුම්හල්වලට ප්රධාන සනීපාරක්ෂක පහසුකම් සැපයීම සඳහා ජාතික මට්ටමේ ව
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
‘ජනපති අගමැති නායකත්වයෙන් යුත් පුළුල් සන්ධානයකින් මැතිවරණයට එනවා’
sirimal Monday, 12 November 2018 11:01 AM
ශ්රී ලංකා නිදහස් පක්ෂය දැන් පක්ෂයෙන් කඩාගෙන ගිය කණ්ඩායමකට ඕනෑ ආකාරයට නැටවෙන බව නේද මේකෙන් පෙනෙන්නේ...? නාම යෝජනා බෙදා ගනිද්දී චෝදනා තියෙන අය නැවතත් තෝරා ගත්තොත් වැඩේ හරියන එකක් නැහැ. "එහෙම කොහොමද කරන්නේ උඩින්ම ඉන්න කෙනාටනේ චෝදනා වැඩි" කියලා කියන්න නම් එපා ඔන්න...
sam Monday, 12 November 2018 11:09 AM
මිණී ඔළුවයි, ඇට කටු දෙකයි නම් පක්ෂ ලාංඡනය හැටියට නියමෙට ගැලපෙනවා...
isurandi Monday, 12 November 2018 11:28 AM
සතුරාට පහරදෙන්න නම් ටයර් සෑයේ ලකුණින් ඉදිරිපත් වෙන්න.
mf Monday, 12 November 2018 11:48 AM
කවුරුත් පොරකන්නේ බලයට... රට ගැන හිතලා වැඩකරපු කවුරුත් නැහැ.
sandy123 Monday, 12 November 2018 01:23 PM
කාට කියන්නද මේ දුක...? දෙවියනි ඔබ හැර.
ධනුෂ්ක Monday, 12 November 2018 03:10 PM
ඔබතුමා අපට 2010දී ජනසන්නිවේදනය ඉගැන්නුවා මතකයි. එතකොට ඔබතුමා අංශාධිපති. ඔහොම යමු ඊළඟ උපකුලපති වෙන්න පුලුවන්....
duminda Monday, 12 November 2018 03:20 PM
ජනතා ඡන්දෙකින් දිනන්න පුළුවන් පක්ෂයක් ව්යවස්ථා විරෝධීව බලය ගන්නෙත් නැහැ.
Hafeel Tuesday, 13 November 2018 07:50 AM
කොහේදෝ ඉඳල අද පිනට මහ ලේකම් වෙලා. අර එක්සත් ජාතික පෙරමුණ නැමති සතුරා නිසා තමයි, මෛත්රී ජනාධිපති වෙලා ඔබව මෙතන්ට පත් කළේ. ඔබ කොවුද කියලත් ශ්රී ලංකා නිදහස් පාක්ෂිකයන් දන්නෙවත් නැතුවඇති. ඔබත් ලොක්කා වගේ කලගුන දන්නා නැති මිනිහක්.