( ඩී .කේ.රත්න )

ඌවපරණගම,  අඹගස්දෝව ලද්දුම මූදනාව ප‍්‍රදේශයේ මුස්ලිම් ජාතිකයෙකුට අයත් නිවසක් තුළ තිබී කඩුවක් සහ පිහියා පහලොවක් සමග නිවෙස් හිමියා අද (5)  හවස අත්අඩංගුවට ගෙන ඇතයි අඹගස්දෝව පොලීසිය පවසයි.

අඹගස්දෝව පොලීසියට ලැබුණු තොරතුරක් අනුව මෙම නිවසේ සිදු කළ විශේෂ සෝදිසියකදී මෙම ආයුධ සොයා ගැනීමට අඹගස්දෝව පොලීසියට හැකිවී ඇත.

මේ ආයුධ සම්බන්ධයෙන් මෙම නිවස හිමි අබ්දුල් වහබ් නැමති පුද්ගලයෙකු පොලිස් අත්අඩංගුව ගෙන තිබේ.

අත්අඩංගුවට ගනු ලැබූ සැකකරු වැලිමඩ මහේස්ත‍්‍රාත් අධිකරණයට ඉදිරිපත් කිරීමට නියමිතය. බණ්ඩාරවෙල කොට්ඨාශ භාර පොලිස් අධිකාරි සුදත් මාසිංහ මහතාගේ උපදෙස් පරිදි අඹගස්දෝව පොලිස් ස්ථානාධිපති ප‍්‍රධාන පොලිස් පරීක්ෂක සනත් රාජසිංහ මහතාගේ අදීක්ෂණය යටතේ අඹගස්දෝව පොලිසියේ නිළධාරීහු මේ පිළිබදව පරීක්ෂණ සිදු කරති.