(බිමල් ශ්‍යාමන් ජයසිංහ)

එංගලන්තයේ සිට රෙදිපිළි ගෙන්වන මුවාවෙන් මෙරටට හොර රහසේ ගෙන් වූ රුපියල් කෝටි 12 පමණ වටිනා මෙරට තහනම්  දුම්වැටි තොගයක් සමග පුද්ගලයන් පස් දෙනෙක් පෑලියගොඩ දී අත්අඩංගුවට ගත් බව පොලිස් විශේෂ කාර්ය බලකාය කියයි.

පිටත ස්ථානයකදී ආරක්ෂක අංශ නිලධාරීන් විසින් මෙරට දී  සොයාගත් විශාලතම දුම්වැටි තොගය  මෙන්ම විශාලතම වටිනාකමින් යුක්ත  දුම්වැටි තොගය  මෙය බව වැටලීම සිදුකරන උසස් නිලධාරියෙක් පැවැසීය 

එම සැකකරුවන් සමඟ  එකම ලියාපදිංචි අංකය ප්‍රදර්ශනය කළ , එකම වර්ණයෙන් යුත්  බහලුම් ප්‍රවාහනය කරන රථ දෙකක් පොලිස් භාරයට ගෙන තිබේ

එංගලන්තයේ සිට  ඉන්දියාව හරහා රෙදිපිළි ගෙන්වන මුවාවෙන් මෙම ජාවාරම කලක සිට සිදුකර ඇති බවට පොලිසිය කියයි 

සැකකරුවන්ගේ මෙම ජාවාරම හේතුවෙන් රජයට බදු වශයෙන්  සිදුවන පාඩුව රුපියල් කෝටි විස්සක් පමණ යැයි  වැටලීම සිදුකර නිලධාරියෙක් පැවැසීය

අත්අඩංගුවට ගත් සැකකරුවන් දෙහිවල මෝදර කළුතර ආදි ප්‍රදේශවල පදිංචිකරුවන් ය 

පොලිස් විශේෂ කාර්යය බලකා බළකා අණදෙන නිලධාරී නීතිඥ වරුණ ජයසුන්දර මහතාගේ උපදෙස් මත සංවිධානාත්මක අපරාධ මර්ධන ඒකක එකෙහි ස්ථානාධිපති පොලිස් පරීක්ෂක රන්ජන දිසානායක මහතා ඇතුළු පිරිසක් වැටලීම සිදුකර ඇත