එජාපෙ පුළුල් සන්ධානය ජනවාරි මුල්සතියේ

(නිමල කොඩිතුවක්කු)

මහමැතිවරණය අරමුණු කරගනිමින් එක්සත් ජාතික පක්ෂයේ සහ එක්සත් ජාතික පෙරමුණේ මූලිකත්වයෙන් පුළුල් සන්ධානයක් බිහිකිරීම ජනවාරි මස මුල් සතියේදී සිදුකෙරේ.

එක්සත් ජාතික පක්ෂ නායක රනිල් වික්‍රමසිංහ මහතාගේ ප්‍රධානත්වයෙන් බිහිවන පුළුල් පෙරමුණට සම්බන්ධවන දේශපාලන පක්ෂ, බහුජන සංවිධාන, වෘතීයවේදීන්ගේ සංගම්, මාධ්‍ය සංගම් ඇතුලු පාර්ශ්ව සමඟ මේ වනවිට සාකච්ඡා ආරම්භ වී පවතී.

එක්සත් ජාතික පක්ෂයේ මූලිකත්වයෙන් මහමැතිවරණයට ඉදිරිපත්වීම සඳහා පුළුල් බලවේගයක් බිහිකිරීම ඉහත සන්ධානය පිහිටුවීමේ අරමුණ බවත් හිටපු සභානායක පාර්ලිමේන්තු මන්ත්‍රී ලක්ෂ්මන් කිරිඇල්ල මහතා ලංකාදීපයට පැවැසීය.

මෙම පුළුල් සන්ධානයට ප්‍රජාතන්ත්‍රවාදී ගමනක් සඳහා කැමැත්ත පළ කරන සියලුම සංවිධාන සහ පක්ෂ වලට ආරාධනා කර සිටින බවත් කිරිඇල්ල මහතා වැඩිදුරටත් පැවැසීය.

අදහස් (7)

එජාපෙ පුළුල් සන්ධානය ජනවාරි මුල්සතියේ

විනිවිද Washington Thursday, 19 December 2019 02:50 PM

එක්සත් ජාතික පක්ෂයට උපනායක හෝ නියෝජ්‍ය තනතුරක් සඳහා උගත්, බුද්ධිමත් කාන්තාවක් පත් කරන්න කාන්තාවන්ට සම අයිතීන් ලබාදීමට පක්ෂය තුළින්ම පෙන්වීමට කටයුතු කරමු.

: 2 19

සමන්ත Friday, 20 December 2019 12:40 AM

ඉතාම වැදගත් සහ කාලෝචිත අදහසක්. ඇත්තෙන්ම එය ක්‍රියාවට නැංවීම මගින් එක්සත් ජාතික පෙරමුණ තව තවත් බැබළෙනු ඇත. රට පෙරට යනු ඇත.

: 0 0

සුදු පුතා Thursday, 19 December 2019 02:53 PM

වෙස්මූණු බැඳන් ආවත් අපි නෑ රැවටෙන්නේ...

: 304 210

225ත් එලවමු Thursday, 19 December 2019 03:36 PM

බලල බලලා අපට එපා වෙච්ච පක්ෂ නායකත්වයක් විසින් කරන කියන හැමදෙයක් ගැනම දැන් හිටන්ම අනුමාන කරන්න පුළුවන්...

: 156 35

Hafeel Thursday, 19 December 2019 04:08 PM

ඔක්කොමට කලින් ලොක්කට ප්‍රජාතන්ත්‍රවාදය කියන්නේ කුමක්දැයි කියලා උගන්නන්න.

: 0 0

Bandara Thursday, 19 December 2019 05:35 PM

රටට විනකරන පිරිස එළවලාම දමමු.

: 0 0

RR Friday, 20 December 2019 05:21 AM

සොරිම තමයි. මොනවා කළත් වැඩක් වෙන්නේ නෑ..!

: 1 1