අජන්ත කුමාර අගලකඩ

ලංකා කම්කරු කොංග‍්‍රසයේ නායක, ප‍්‍රජා සවිබල ගැන්වීම් සහ වතු යටිතල පහසුකම් අමාත්‍ය අරුමුගම් තොණ්ඩමන් මහතාගේ අභාවය පිළිබදව අද (27) දහවල් පැවැති කැබිනට් රැස්වීමේදී ශෝකය පළවී ඇත.

ජනාධිපති ගෝඨාභය රාජපක්‍ෂ මහතාගේ ප‍්‍රධානත්වයෙන් ජනාධිපති කාර්යාලයේදී ඊයේ කැබිනට් රැුස්විම ආරම්භ වූ අවස්ථාවේදීම ඇමැතිවරුන් නැඟී සිටිමින් තොණ්ඩමන් මහතා වෙනුවෙන් ශෝකය ප‍්‍රකාශ කර ඇත.

අනතුරුව අදහස් දක්වා ඇති අගමැති මහින්ද රාජපක්‍ෂ මහතා තොණ්ඩමන් මහතා මිය යාමට පැයකට පමණ පෙර තමා හමුවී සාකච්ඡාවක් ද පැවැත්වූ බව පවසා ඇත.

වතුකරයේ ජනතාව වෙනුවෙන් දිගටම පෙනී සිටි ඔහුගේ අභාවය බරපතළ පාඩුවක් බවද අගමැතිවරයා සදහන් කර ඇත.