IMG-LOGO

2025 ජුලි මස 31 වන බ්‍රහස්පතින්දා


අසාද් සාලි බස්නාහිර පළාතට ජංගම උසාවි ඉල්ලයි

(විනීතා එම් ගමගේ)

බස්නාහිර පළාතට ජංගම උසාවි කිහිපයක් ලබා දෙන ලෙස තමන් අධිකරණ හා බන්ධනාගාර ප‍්‍රතිසංස්කරණ ඇමතිනි තලතා අතුකෝරළ මහත්මිය ගෙන් ඉල්ලා සිටීමට බලාපොරොත්තු වන බව බස්නාහිර පළාත් ආණ්ඩුකාර අසාද් සාලි මහතා ප‍්‍රකාශ කළේය.

විශේෂයෙන් කොළඹ නගරයට එවැනි ජංගම උසාවියක අවශ්‍යතාව පවතින්නේ යැයි ද හෙතෙම කියා සිටියේය.

වාහනයක පවත්වාගෙන යන උසාවියක් මඟින් ස්ථානිය දඩ අයකිරීම් සිදු කිරීම තුළින් මාර්ග නීති උල්ලංඝණය අවම වනු ඇතැයි කී අසාත් සාලි මහතා රථවාහන සඳහා පමණක් නොව පදිකයන් කරන නීති  කැඞීම් සඳහා ද එවැනි උසාවියකින් දඩ නියම කළ හැකි වෙතැයි සඳහන් කළේය.

හරකුන් බල්ලන් පවා සුදු ඉරෙන් පාර මාරු වෙද්දී මිනිසුන් හිතුණු හිතුණු  තැන්වලින්  පාර පනින බව තම නිරීක්ෂණය යැයි ද එවැන්නන්ට දඩයක් ගසා හෝ නිසි මඟට ගැනීමට කටයුතු කළ යුතු බව ද කී අසාද් සාලි මහතා මෙම කටයුතු වලදී තමන්ට කිසිදු දේශපාලනයක් නැතැයි ද පැවැසීය.

බස්නාහිර පළාත් ආණඩුකාරවරයා මේ අදහස් පළ කළේ පළාත් ආණ්ඩුකාර කාර්යාලයේ  පැවැති මාධ්‍ය හමුවක් අමතමිනි.

කොළඹ නගරාධිපතිනි රෝසි සේනානායක මහත්මිය හා ආණ්ඩුකාරවරයා අතර පැවැති සාකච්ඡාවකින් පසු මාධ්‍යයට අදහස් දක්වමින් ඔහු මේ අදහස් පළ කළේය.

පුරපතිනිය තමන් හමුවීමට අවශ්‍ය බව කිහිප වතාවක් දැනුම් දී තිබු බවත් ඒ සඳහා අවස්ථාව ලැබුණේ අද බවත් කී සාලි මහතා නගර සභාවේ පුරප්පාඩු ගැන, නගරයේ පිරිසිදු කම පිළිබඳව මෙන්ම එහි ඇති බොහෝ ගැටලූ ගැන එහි දී සාකච්ඡා කළ බව ද පැවැසීය.

වාණිජ නගරයක් වූ  කොළඹ නගරයේ පදික වේදිකා වෙළඳාම නිසා පාරවල් ඇහිරී ඇති බවත්  ඕවල් හා කෙත්තාරාමය පවා අද ඒ තත්ත්වයට වැටී ඇති බවත් හෙතෙම සඳහන් කළේය.  

කොළඹ නගරය ලස්සනට පවත්වා ගෙන යායුතු බව තමන් 1998 සිට කියන දෙයක් යැයි කී ආණ්ඩුකාරවරයා නියෝජ්‍ය නගරාධිපති ලෙස කලක් කටයුතු කළ තමන්ට ඒ සඳහා අත්දැකීම් රැසක් ඇතැයි ද පැවැසීය.  



අදහස් (3)

අසාද් සාලි බස්නාහිර පළාතට ජංගම උසාවි ඉල්ලයි

Hafeel Monday, 14 January 2019 01:44 PM

රෝසි නෝනා පරිස්සම් වෙන්න ඕනෑ.. මෙයාත් එක්ක සාකච්ඡා කරද්දී... මතකයි නේද නුවරදී තමාගේ සහෝදර මන්ත්‍රීවරයකුට වෙච්ච දේ...?

:       0       74

Perera Tuesday, 15 January 2019 06:04 AM

ඔය වැරදි වලට ජංගම උසාවි ඕන නැහැනේ. දැනටත් පොලිසියෙන් දඩ කොළ දීපුවාම ලඟම තියෙන තැපැල් කන්තෝරුවට ගිහින් දඩේ ගෙවන ක්‍රමවේදයක් තියෙනවනේ.

:       0       0

ajith Wednesday, 16 January 2019 04:59 AM

එහෙම උසාවි දානවා නම් මල්වානටත් එකක් අන්වර්යයෙන් දමන්න.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් සුබ පැතුම් ශිෂ්‍යත්වය පාසල් සිසුන් සඳහා ශිෂ්‍යත්ව 225 ක් ප‍්‍රදානය කරයි 2025 ජුලි මස 28 98 0
ශ‍්‍රී ලංකා ඉන්ෂුවරන්ස් සුබ පැතුම් ශිෂ්‍යත්වය පාසල් සිසුන් සඳහා ශිෂ්‍යත්ව 225 ක් ප‍්‍රදානය කරයි

දේශයේ රක්ෂකයා ශ‍්‍රී ලංකා ඉන්ෂුවරන්ස් ලයිෆ් (SLICLL) වසර ගණනාවක් පුරා රටේ අනාගත පරපුරේ අභිවෘද්ධියට විශාල වශයෙන් දායක වී ඇත. ශ‍්‍රී ලංකා ඉන්ෂුවරන්ස් ලයිෆ්

මානසික සෞඛ්යය වෙනුවෙන් 1333 බයිසිකල් සවාරිය සඳහා CCC Foundation සමග Heritance Hotels and Resorts සහ Aitken Spence Travels අත්වැල් බැඳ ගනියි 2025 ජුලි මස 24 246 0
මානසික සෞඛ්යය වෙනුවෙන් 1333 බයිසිකල් සවාරිය සඳහා CCC Foundation සමග Heritance Hotels and Resorts සහ Aitken Spence Travels අත්වැල් බැඳ ගනියි

මානසික සෞඛ්‍යය පිළිබඳව සහය සලසන මානසික සෞඛ්‍ය උපකාරක සේවා දුරකථන අංකය 1333 ගැන ජනතාව තුළ වැඩි දැනුවත් භාවයක් ඇති කිරීම වෙනුවෙන් ක්‍ක්‍ක්‍ පදනම (CCC Foundation) වි

අලුත් taxi app එකෙන් ගමන් යන්න, රු 200ක වට්ටමක්. 2025 ජුලි මස 23 595 0
අලුත් taxi app එකෙන් ගමන් යන්න, රු 200ක වට්ටමක්.

මාර්තු මාසයේ LEOS රියදුරු ලියාපදිංචිය සාර්ථකව දියත් කිරීමෙන් අනතුරුව, LEOS ආයතනය මෙම සතියේ LEOS කස්ටමෙර් app එක Android Play Store සහ Apple App Store යන දෙකෙහිම ලබා ගත හැකි පරිදි නිකු

Our Group Site