(නිමන්ති රණසිංහ)

නීතිවිරෝධී රැස්වීමක සාමාජිකයින් වෙමින් ලෝටස් වටරවුමේ දී උද්ඝෝෂණයක් පැවැත්වූ විශ්ව විද්‍යාල සිසුන් 53 දෙනා එක් අයකුට රුපියල් ලක්ෂය බැගින් වූ ශරීර ඇප මත මුදා හැරීමට කොළඹ කොටුව මහේස්ත්‍රාත් රංග දිසානායක මහතා අද (25) නියෝග කළේය.

මෙහි 10 වැනි සැකකරු වූ විශ්ව ධනංජය සිල්වා යන අය පමණක් ලබන වැනිදා දක්වා රක්ෂිත බන්ධනාගාර ගත කරන ලෙස මහේස්ත්‍රාත්වරයා වැඩිදුරටත් නියම කළේය.

10 වැනි සැකකරු මින් ඉහත දී ද මෙවැනිම නඩුවක සැකකරුවකු ලෙස ඇප මත සිටි බැගින් පෙර වැරදි අනාවරණය වන බව සළකා අධිකරණය එලෙස නියම කෙරිණි.